جىلجىمالى مەديتسينالىق كەشەن جولعا شىقتى

ەلباسى نۇرسۇلتان نازارباەۆ قازاقستان حالقىنا ارنا­عان بيىلعى جولداۋىندا «اۋىل تۇرعىندارى ءۇشىن مەديتسينا­لىق كومەكتىڭ قولجەتىمدىلىگىن كەڭەيتۋگە ايرىقشا نازار اۋدارۋ قاجەت» دەپ اتاپ كورسەتكەن-ءدى. ءار سوزىمەن ىرگەلى ىستەرگە ءىز اشاتىن مەملەكەت باسشىسى­نىڭ بۇل تاپسىرماسىنىڭ ءىس جۇزىندە ورىندالۋىنىڭ ناقتى ناتيجەسى دە كورىنە باستادى. جاقىندا وبلىس وسى مىندەتتەردى ورىنداۋعا مۇمكىندىك بەرەتىن العاشقى جىلجىمالى مە­ديتسينالىق كەشەنگە قول جەتكىزدى. شىمكەنت قالاسىنداعى «قاز­مەدقۇرال» جشس شىعار­عان بۇل كەشەنگە رەسپۋب­لي­كا­لىق بيۋدجەتتەن 86 ملن. تەڭگە جۇمسالدى. مۇنداعى حيرۋر­گيا­لىق, گينەكولو­گيالىق, رەنتگەن, ءتىس اۋرۋلارى, كارديولوگيالىق, ۋزي, جالپى قابىلداۋ بولمە­لە­رى مەن زەرتحانا وسى زامان­عى مەديتسينالىق قون­دىرعى­لار­مەن جاراقتان­دى­رىل­عان. وتاندىق بىرەگەي جىلجىمالى مەديتسينالىق كەشەننىڭ يگىلىگىن ءبىرىنشى بولىپ قوبدا اۋدانىنىڭ تۇرعىندارى كورەتىن بولدى. ونىڭ دا رەتى بار. بۇل كەزىندەگى ەكى اۋداننىڭ ىزىنەن قۇرىلعان اۋما­عى ۇلكەن اكىمدىك قۇرىلىم. كەشەن قۇرامىندا وبلىستىق كەڭەس بەرۋ-دياگنوستيكا ورتالىعىنىڭ ون ەكى بىلىكتى دارىگەرلەرى اۋىل تۇرعىن­دارىن قابىلدايدى. ولار اۋدان­نىڭ كوپتەگەن ەلدى مەكەندەرىندە بولىپ, 11 مىڭنان استام اۋىل­دىق­تارعا مەديتسينالىق قىزمەت كورسەتەدى. كەشەن قوسىمشا «اق­توبەرەنتگەن» زاۋىتىندا اۆتوكو­لىك­كە ورناتىلىپ جاسالعان جىل­جىمالى ماموگرافيا, فليۋروگرافيامەن جابدىقتالدى. جىلجى­ما­لى مەديتسينالىق كەشەندى قوب­دا اۋدانىنا اتتاندىرىپ تۇرعان وبلىستىق دەنساۋلىق ساقتاۋ باسقارماسىنىڭ باستىعى قايرات سابىر مۇنداي قىزمەتتىڭ اۋرۋدى تەز انىقتاۋعا, الدىن الۋعا مەديتسينالىق كومەك پەن كەڭەس بەرۋ ساپاسىن ارتتىرۋعا العى­شارت جاسايتىنىن جەتكىزدى. – ەلباسى بيىلعى جول­داۋ­ىندا «جۇمىلعىش مەديتسينالىق كەشەندەر – اۆتوكلينيكالار سانىن 50 بىرلىككە دەيىن جەتكىزۋ كەرەك» دەگەن بو­لاتىن. قازىر قولى­مىز­عا ءتيىپ وتىر­عان كەشەن وسى تاپ­سىر­مانىڭ ناق­­تى ورىن­دالۋى­نىڭ جەمىسى. وسىن­­­داي قادام­دار­دىڭ ءناتي­جە­سىندە سا­پالى مەدي­تسينالىق قىز­­مەت­­تىڭ قولجەتىمدىلىگىن قامتا­ما­سىز ەتۋگە ابدەن بولادى, – دەيدى ول. ونىڭ ايتۋىنشا, بيىل تاعى دا وسىنداي ەكى كەشەن الىناتىن كورىنەدى. ولاردى حرومتاۋ جانە مۇعالجار اۋداندارىنا ءبولۋ قاراس­تىرىلىپتى. جالپى, وبلىس حال­قى­نا قولجەتىمدى, ساپالى مەدي­تسي­نالىق قىزمەت كورسەتۋ ءۇشىن وسىنداي التى جىلجىمالى مە­ديتسينالىق كەشەن قاجەت ەكەن. ولاردىڭ قالعاندارى دا تاياۋ ۋا­قىتتا الىناتىن بولادى. جىل­جىمالى مەديتسينالىق كەشەن جۇمىسى جالعاسا بەرەدى. ساتىبالدى ءساۋىرباي. اقتوبە وبلىسى.