جاۋىنگەر جىگەرىن جانىعان

البەتتە, وتان قورعاۋشى دەگەندە ەسىمىزگە الدىمەن ەر-ازاماتتاردىڭ تۇسەتىنى بەلگىلى. دەگەنمەن, ەل باسىنا كۇن تۋعان شاقتا قولىنا قارۋ الىپ, ەرلەرمەن بىرگە ەلىن قورعاعان ارۋلار قازاقتىڭ تاريحىندا قاشاندا كوپ بولعان. بۇگىنگى بەيبىت كۇندە دە اسكەري قىزمەتتە جۇرگەن ارۋلارىمىز جەتەرلىك. №5517 اسكەري ءبولىمىنىڭ ءتار­بيە جانە الەۋمەتتىق-قۇ­قىقتىق جۇ­مىس­تارى جونىندەگى ءبولىم­شە با­س­تىعىنىڭ كومەك­شىسى – پسي­حو­لوگ لەي­­تەنانت اينۇر حا­لي­­لوۆا دا اسكەري قىز­مەت­شى. رەسەي فەدەرا­تسيا­­سىنىڭ الەك­ساندر گاي قالاسىندا ءدۇ­نيە­­گە كەلگەن اينۇر بالا كە­­زىنەن مۇعالىم ماماندىعىن مەڭ­­گەرىپ, شاكىرتتەرگە ۇستازدىق ەتۋ­دى ارمانداپ ءوستى. سول ار­ما­نى­نىڭ جەتەگىمەن ورال قا­لا­سىن­داعى م.وتەمىس ۇلى اتىن­دا­عى باتىس قازاقستان مە­م­لە­كەت­تىك ۋنيۆەرسيتەتىنە وقۋعا ءتۇس­تى. 2005 جىلى ۋنيۆەرسيتەتتى اياق­تاپ, پەداگوگ-پسيحولوگ ما­مان­دى­­عى بويىنشا ديپلوم الدى. الاي­­دا, تاعدىر اينۇر زا­قا­ريا­­ن­قىزىنىڭ ماڭدايىنا مەك­تەپتە ەمەس, اسكەردە قىزمەت ەتۋ­دى جازىپ­تى. – ورال شاھارىنداعى №5517 اسكەري بولىمىندە 2010 جىلدان بەرى قىزمەت ەتەمىن. العاشقى جىل­­دا شتاتتان تىس پسيحولوگ قىز­مەتىن اتقارىپ, 2011 جىل­­دىڭ اقپان ايىنان باس­تاپ ءتار­بيە جانە الەۋمەتتىك-قۇ­قىق­تىق جۇ­مىستار جونىندەگى ءبو­لىمشە باس­تىعىنىڭ كو­مەك­شىسى-پسي­حو­لوگ قىزمەتىنە تا­عايى­ن­دال­دىم. پسيحولوگ – كۇردەلى دە قى­زىقتى ماماندىق, ال اسكەردە پسي­حولوگ بولۋ – ەكى ەسە جاۋاپ­تى ءىس. ەتيكالىق نور­ما­­لاردى باس­شىلىققا الا وتىرىپ, ءاربىر ءاس­­كەري قىزمەتىنىڭ جان ءدۇ­نيە­سىن تەرەڭ ءتۇسىنۋىڭ ءارى دۇ­رىس كەڭەس بەرە ءبىلۋىڭ اسا ما­ڭىز­دى. ماعان ءوز مامان­دىع­ىم ەرەك­شە ۇنايدى, – دەيدى اينۇر زا­قا­ريا­نقىزى. وتباسىن قۇرىپ, ۇر­پاق ءتار­بيە­لەپ وتىرعان ا.حاليلوۆا­نىڭ اتقارىپ ءجۇر­گەن قىز­مەتى اتاپ ءوتۋ­گە لايىق. ءبولىم­دە­گى سار­باز­دار­دىڭ مورالدىق-پسي­حو­­لو­گيا­لىق جاعدايىن قا­دا­عا­­­لاپ, تۇ­راق­تىلىعىنا جاۋاپ بە­­رە­دى. ولار­عا اسكەري ومىرگە بەي­­ىم­­دەلۋىنە كو­مەكتەسەدى.ءۇي­رە­­­نىسە الماي ءجۇر­گەندەرىمەن جە­­­كە سويلەسىپ, تۋىن­داعان ءما­سە­لەلەردى بىرگە شەشۋگە شا­قى­رادى. – ارينە, اسكەرگە جاڭادان شا­قىرىلعان جاس ساربازدار ءتۇر­لى وبلىستاردان جينالادى. سونىمەن قاتار, ولاردىڭ ءار­تۇر­لى الەۋمەتتىك توپتاردىڭ وكىل­­دەرى بولىپ تابىلاتىنى بەل­گىلى. كەيبىر بوزبالالار ءاس­كەر­دەن بۇرىن ءوز وتباسىنان ەش­قايدا شىقپاعان بولسا, تاعى ءبى­رەۋلەرى «كوشە» تارتىبىمەن ەرجەت­كەن بولۋى مۇمكىن. ولاردىڭ پسي­حو­لو­گيا­لىق جاعدايلارى ءبىر-بىرىنە قاي­شى كەلەدى. مەنىڭ مىندەتىم – وسى مىنەز-قۇلقى ءارتۇرلى سار­بازداردى ءتىل تابىستىرۋ, – دەيدى اينۇر زاقاريانقىزى. ا.حاليلوۆا ۋني­­ۆەر­سيتەتتى ءبى­­تىرە سالا كىرىسكەن اسكە­ري قىز­مە­تى­ندە ەڭبەققور­لىعىنىڭ ار­قا­سىندا قاراپايىم قىز­مەت­شى­دەن العاشقى وفي­تسەر­لىك اتاق – لەي­تەنانت شەنىنە كو­تەرىلدى. باس­­شىلىق تاراپىنان بىرنەشە گرا­­موتا مەن العىس حاتتارعا دا يە بولدى. ال №5517 اسكەري ءبولىمىنىڭ ءتار­بيە جانە الەۋمەتتىك جۇمىس ءجو­نىندەگى ءبولىم كومانديرىنىڭ ورىن­باسارى, پودپولكوۆنيك ۆياچەسلاۆ پاكتىڭ ايتۋىنشا, ءبۇ­گىندە قوعامدا ەرلەرمەن تەڭ دەڭ­گەيدە ەڭبەك ەتىپ ءجۇر­گەن قىز-كەلىنشەكتەر از ەمەس. ارالارىندا اسكەري شەن­دى­لەرى دە جەتەرلىك. اتالعان ءاس­كەري بولىمدە قىزمەت ەتەتىن اي­نۇر زاقاريانقىزى سىندى قىز-كەلىنشەكتەر وزدەرىنە كور­سە­تىلگەن سەنىمدى تولىعىمەن اق­تاۋ­عا تىرىسادى. ولار ەرلەر­مەن تەڭ دەڭگەيدە قىزمەت ات­قا­رىپ, كوز­گە ءتۇسىپ جۇرسە كەرەك. «ارۋ­لارىمىزعا حالىقارالىق ايەل­­د­ەر كۇنى مەرەكەسىندە عانا جە­­ڭىل­دىك جاسايمىز. مۇندا ولار­عا سىي-قۇرمەت كورسەتۋ ءداس­تۇرگە اي­نالعان», – دەيدى ۆيا­چەسلاۆ ولەگوۆيچ. – تالاي عاسىردان بەرى ايەل­دەر سەزىمتالدىقتىڭ, ءنا­زىكتىك پەن مەيىرىمدىلىكتىڭ تاڭ­عالارلىق قايتالانباس بەي­نە­سىنە اينالدى. وتباسىنىڭ جى­لۋى مەن جاراسىمى, تۋعان ءۇي­دىڭ تىنىشتىعى, ماحاببات پەن سەنىم سياقتى باعا جەت­پەس قۇندىلىقتار انا ەسى­مى­مەن تىعىز بايلانىستى. مەن دە انامىن. قىزىمنىڭ سۇيىك­تى ماماندىعىن تاڭداپ, ەل قاتارلى ازامات بولعانىن قا­لايمىن. ەگەر ول دا اسكەري ما­مان­دىقتى تاڭداپ جاتسا, بۇل قالاۋىن شىن نيەتپەن قۇپ­تاي­مىن», – دەيدى لەيتەنانت ا.حاليلوۆا. ءسوز سوڭىندا ايتارىمىز, ءا­س­كەري بولىمدە ساربازدار ءۇشىن اپتانىڭ ءبىر كۇنىندە ار­­نا­يى «پسيحولوگ ساعاتى» بەل­­گى­­لەن­گەن. پسيحولوگ ساعا­تىن­دا سا­ر­- باز­دارمەن سۇحبات ءجۇر­گى­زى­لىپ, تۋىن­داۋى مۇمكىن جان­جال­دار­­دىڭ الدىن الۋ, ۇجىمدى اۋىز­­بىر­شىلىككە جۇمىلدىرۋ ماق­­سا­تىنداعى شارالار ويلاس­تى­رى­لادى. ەربولات مەرسايىن ۇلى, پودپولكوۆنيك ورال