جامبىلدىڭ باتاسىمەن ءجۇز جاساعان

كەنتاۋلىق نۇركامال اجەنىڭ سوڭعى كەزدە اياعى باستىرماي, بالتىرى سىزداپ اۋىرىپ جۇرسە دە ءجۇرىسى شيراق. ءسوز ساپتاۋى دا كەرەمەت. ويلانىپ بارىپ اڭگiمە تيەگiن اعىتادى. اينالاسىنداعى شۇپiرلەگەن نەمەرە-شوبەرەلەرiن اينالىپ, تولعانىپ, ەركەلەتiپ, سولاردىڭ قولدارىنان ءدام تاتىپ وتىر. – مەن شىعىس قازاقستان وبلىسى, زاي­سان قالاسىندا تۋىپ-ءوستiم. جۇ­باي­ى­­مىز ەكەۋمiز سول جاقتا باس قوس­تىق. بiر قىزىم سول زايساندا تۇ­را­دى. ءوزiم كەي­iنگi كەزدە ناۋقاستانىپ قالعاندىقتان ءدا­رi­گەرلەر «كليمات اۋىستىرۋ قاجەت» دەپ كەڭەس بەردi. وڭتۇستiككە وسىلايشا قو­نىس اۋداردىق. بۇل جاق كيەلi مەكەن عوي, وسىندا كەلiپ اۋرۋىمنان قۇلان-تازا ايىق­تىم, – دەيدi نۇركامال اجە. جاقىندا نۇركامال سارسەكەەۆا اجەي عاسىردى ارتقا تاستادى. عاسىر قۇر­­داسىنىڭ ايتۋىنا قاراعاندا, بىردە شى­­عىس قازاقستانعا جامبىل جاباەۆ قو­­ناققا كەلىپ, اپامىزدىڭ ورامال تا­ع­ىپ, سالەمىن سالىپ, قازاقشىلىقتى ۇمىت­پاي كورسەتكەن قىزمەتىنە ريزا بولىپ, باتاسىن بەرگەن ەكەن. ءوزى دە ولەڭ-جىر­عا قۇمار بولعان كەيۋانا جوعارى بi­لiم الماعانىمەن كiتاپتى كوپ وقىعان جان. سودان بولار, پاراسات-پايىمى جو­عا­رى. – ءومiرiم تالاي قيىندىقتارمەن ءوتتi. ەل باسىنا تونگەن اشارشىلىقتىڭ, سوعىس جىلدارىنىڭ كۋاگەرi بولدىم. جولداسىم ۇلى وتان سوعىسىنا قاتىسىپ, پولشا جەرiندە بولعان ۇرىستا قازا تاپتى. رايكوم حاتشىسى بولاتىن. مايدانعا ءوزi سۇرانىپ, تاشكەنتتە 15 كۇن دايىندىقتان ءوتiپ, كوماندير بولىپ اتتانعان ەدi. سول كەتكەننەن قايتىپ ورالمادى, – دەپ وتكەن كۇندەردi ساعىنىشپەن ەسكە الادى اجە. «نەمەرە-شوبەرەنiڭ قانشا ەكەنiن بiلمەيمiن, ساناپ كورگەنiم جوق, شاتاسىپ قالامىن», دەيدi. اجەنiڭ ۇلكەن قىزىنىڭ ءوزi بۇگiندە 80 جاستى القىمداپ وتىرعان اق جاۋلىقتى انا. قايرات زاينيشەۆ وڭتۇستىك قازاقستان وبلىسى, كەنتاۋ قالاسى