«سارىارقا» مەن «تورپەدو» – شيرەك فينالدا

جوعارى حوككەي ليگاسىنىڭ پلەي-وفف كەزەڭىندە ونەر كورسەتىپ جاتقان قازاقستاندىق قوس كلۋب – قاراعاندىنىڭ «سارىارقاسى» مەن وسكەمەننىڭ «تورپەدوسى» قارسىلاستارىنان باسىم ءتۇسىپ, كەلەسى راۋندقا شىقتى. قاراعاندىدا وتكەن ويىندا «سارىارقا» چەحوۆتىڭ «زۆەزدا» كومانداسىن قابىلداپ, 5:0 ەسەبىمەن ويسىراتا جەڭدى. تورەشىنىڭ ىسقىرىعى ەستىلە سالا العا ۇمتىلعان ايدىن يەلەرى قارسىلاستارىن بىردەن قىسىمعا الا جونەلدى. ورايى كەلگەن تۇس­تاردا قاۋىپتى سوققىلارىن دا جاۋ­دىرىپ جاتتى. الايدا, شابۋىل­دا قانشالىقتى سەس كورسەتسە دە, العاشقى گولدى تەك ءبىرىنشى كە­زەڭ­نىڭ سوڭعى مينۋتىندا سالدى. ويىنشى باسىمدىعىن ءتيىمدى پايدالانعان قاراعاندىلىقتار ميحايل ءانيسيننىڭ كومەگىمەن العا شىقتى. ويىننىڭ كەلەسى بولىگى دە ءدال وسى باعىتتا ءوربىدى. 30-مينۋتتا دميتري جەلنەروۆسكي باعىتتاعان سوققى قارسى قاقپانىڭ تورىنان ءبىر-اق شىقتى. ءۇشىنشى كەزەڭ «سارى­ارقا» ءۇشىن اسا ءساتتى ءوتتى. 52-مينۋتتا دميتري جەلنەروۆسكي ويىن­داعى ەكىنشى شايباسىن سالسا, اراعا ءتورت مينۋت سالىپ, نەريۋس اليشاۋسكاس ەسەپتەگى باسىمدىقتى ارتتىرا ءتۇستى. ال 58-مينۋتتا انتون ساگادەەۆ كەزدەسۋدەگى سوڭعى گولدىڭ اۆتورى اتاندى. «سارىارقا» وسىلايشا «زۆەزدا» كلۋبىن جالپى ەسەپتە 4:1 ەتىپ جە­ڭىپ, جوعارى حوككەي ليگاسى پلەي-وفف كەزەڭىنىڭ شيرەك فينالىنا جولداما الدى. وسى سىندا «تورپەدو» كومانداسى ءوز ايدىنىندا «يجستال» ۇجىمىمەن كەزدەسىپ, 3:2 ەسەبىمەن باسىم ءتۇستى. ماتچتاعى العاشقى شايبا 14-مينۋتتا سوعىلدى. دەنيس يگنا­شين مەرگەندىگىمەن تانىلىپ, شىعىسقازاقستاندىقتاردى العا شىعارسا, 28-مينۋتتا انتون كوچۋروۆ ەكىنشى شايبانىڭ اۆتورى اتاندى. ارادا التى مينۋت ءوت­كەندە قوناقتار ساپىنان لەونيد مەتالنيكوۆ ەسەپ ايىرماشىلىعىن قىسقارتتى. كەزدەسۋدىڭ ءۇشىنشى كەزەڭىندە قوس كوماندا ءبىر-ءبىر گولدان سوقتى. الدىمەن, تالعات جايلاۋوۆ 47-مينۋتتا «تورپەدونىڭ» ءۇشىن­شى گولىن سالسا, 58-مينۋتتا كي­ريلل كنيازەۆ سوڭعى نۇكتەنى قوي­دى. «تورپەدو» كومانداسى سەريالى ماتچتا ءتورتىنشى رەت جەڭىسكە جەتىپ, شيرەك فينالعا شىقتى. ايان ءابدۋالي, «ەگەمەن قازاقستان»