بۇگىن الماتىدا مەديا سالاسىنداعى بىرەگەي جوبالاردىڭ ءبىرى - «ىسكەرلىك جۋرناليستيكا مەكتەبى» اياقتالدى. بيىل اتالعان مەكتەپتە 32 جاس جۋرناليست دارىس الدى.
جوبا ماقساتى - قارجى, ەكونوميكا, بيزنەس تاقىرىپتارىندا جازاتىن جاس جۋرناليستەر ورتاسىن قالىپتاستىرۋ. اتالعان جوبا اياسىندا ستۋدەنتتەرىگە ءىرى بانكتەردىڭ, قارجى ۇيىمدارىنىڭ باسشىلارى جانە تاجىريبەلى جۋرناليستەر ءدارىس وتكىزدى. ولاردىڭ قاتارىندا «قازاقستان حالىق بانكى» اق, الماتى قالاسى بويىنشا مەملەكەتتىك كىرىستەر دەپارتامەنتى, ءبىرىنشى كرەديتتىك بيۋرو, قازاقستان قارجىگەرلەر قاۋىمداستىعى, يسلامدىق قارجى دامىتۋ قاۋىمداستىعى, «قازاقستاننىڭ تۇرعىن ءۇي قۇرىلىس جيناق بانكى», ستاتيستيكا كوميتەتى, «قازاقستان قور بيرجاسى», «دامۋ» كاسىپكەرلىكتى دامىتۋ» اق وكىلدەرى مەن تانىمال جۋرناليستەر, كاسىپكەرلەر بار.
«قازىرگى كەزدە ىسكەرلىك جۋرناليستيكانىڭ اقساپ جاتقانى راس. «ىسكەرىك جۋرناليستيكا مەكتەبىنىڭ» تۇلەكتەرى وسى وقىلىقتىڭ ورنىن تولتىرىپ, قازاق تىلىندە قارجى, ەكونوميكا جانە بيزنەس تاقىرىبىنداعى كونتەنتتىڭ كوبەيۋىنە ىقپالىن تيگىزەدى دەپ ويلايمىز», - دەدى «Qazaq Media Group» كومپانياسىنىڭ ديرەكتورى ەربول ازانبەك. ونىڭ ايتۋىنشا, جاقىندا ەلىمىزدە قارجىلىق ساۋاتتىلىقتى ارتتىرۋمەن اينالىساتىن قوعامدىق قور قۇرىلادى.
«قور ىسكەرلىك جۋرناليستيكانى دامىتۋمەن قاتار, قازاق اۋديتورياسىنىڭ قارجىلىق ساۋاتىن ارتتىرۋعا ءمان بەرەدى. بيىل قازاق تىلىندە, تۇسىنىكتى تىلمەن جازىلعان «بانك كليەنتىنىڭ انىقتامالىعى», «وتباسىلىق بيۋدجەت» اتتى كىتاپشالاردى جارىققا شىعارماقپىز. ادامدار بانككە بارعاندا, كرەديت الاردا, دەپوزيت اشاردا نەنى ءبىلۋى كەرەك, ولار تۋرالى اقپاراتتى قايدان الا-الادى, ءتۇرلى پروبلەمالار تۋىنداعاندا نە ىستەۋى كەرەك؟! كىتاپشالار وسى باعىتا اقپارات بەرەدى. سونىمەن قاتار قارجى, ەكونوميكا, بيزنەس تاقىرىبىندا جازاتىن جاس جۋرناليستەردى دايىنداۋدى جالعاستىرامىز», - دەدى ول.
