ادىلەت ءمينيسترىن پارلامەنت بەكىتەدى

كونستيتۋتسياعى ەنگىزىلگەن وزگەرىستەر بويىنشا ادىلەت ءمينيسترىن بەكىتۋ جانە قىزمەتىنەن بوساتۋ پارلامەنتكە بەرىلەدى. ال ىشكى ىستەر ءمينيسترىن تاعايىنداۋ جانە قىزمەتىنەن بوساتۋ وكىلەتتىگى پرەزيدەنت قۇزىرەتىندە قالادى. «بىرىنشىدەن, ىشكى ىستەر ءمينيسترى مەملەكەتتەگى قوعامدىق قاۋىپسىزدىككە, ازاماتتاردىڭ جەكە باسىنىڭ قاۋىپسىزدىگىنە جاۋاپ بەرەدى. ەلباسى - قازاقستان رەسپۋبليكاسىنىڭ پرەزيدەنتى ءوزىنىڭ جوعارى مارتەبەلى لاۋازىمىنا بايلانىستى قر قارۋلى كۇشتەرىنىڭ جوعارعى باس قولباسشىسى بولىپ سانالادى. ال ىشكى ىستەر مينيسترلىگىنىڭ قۇرامىندا ۇلتتىق گۆارديا بار.  ول تىكەلەي اسكەري مەكەمە. سوندىقتان بۇگىنگى تاڭدا ەلباسىنىڭ جەكە قۇقىمەن تاعايىندالاتىن جانە قىزمەتىنەن بوساتىلاتىن ىشكى ىستەر ءمينيسترى, قورعانىس جانە سىرتقى ىستەر ءمينيسترى دە وسى تارتىپپەن قالا بەرەدى", دەدى ماجىلىس دەپۋتاتى, كونستيتۋتسيالىق رەفورما جونىندەگى زاڭ جوباسىن ەكىنشى وقىلىمعا دايىنداۋ جونىندەگى بىرلەسكەن كوميسسيا توراعاسى نۇرلان ءابدىروۆ. ەستەرىڭىزگە سالا كەتسەك, بۇگىن پارلامەنت پالاتالارىنىڭ بىرلەسكەن وتىرىسىندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار  ەنگىزۋ تۋرالى» قر زاڭى قابىلداندى.