6-10 ناۋرىزدا مۇناي باعاسىنا اسەر ەتەتىن فاكتورلار

وتكەن جۇما كۇنى دوللاردىڭ وزىندىك قۇنىنىڭ تومەندەۋى ەسەبىنەن مۇناي باعاسى كوتەرىلدى. ايتا كەتەيىك, وتكەن اپتا 55 دوللارعا دەيىن تومەندەگەن مۇناي باعاسى سوڭعى بىرنەشە اپتاداعى ەڭ تومەنگى كورسەتكىشكە تۇسكەن ەدى. دوللار قۇنىنىڭ تومەندەۋى ادەتتە مۇناي باعاسىنىڭ قىمباتتاۋىنا الىپ كەلەدى. ويتكەنى, مۇنايمەن ساۋدالاناتىن شيكىزات وزگە ۆاليۋتالارمەن ەسەپتەگەندە ارزانعا شىعادى. سونىمەن قاتار ليۆياداعى مۇناي كەن ورنىنداعى اپاتتى جاعدايدان كەيىن ەكسپورت كولەمىنىڭ ناقتى بەلگىلەنبەي قالۋى دا باعاعا وڭ اسەر ەتتى. دەگەنمەن, اپتا قورىتىندىسى بويىنشا, اقش تاقتاتاس مۇنايى ەكسپورتىنىڭ كوبەيۋى مۇمكىن دەگەن قاۋەسەتتىڭ كەسىرەنەن مۇناي باعاسى تومەندەدى. جۇما كۇنگى سوڭعى سەسسيادا لوندون قور بيرجاسىندا برەنت ماركالى مۇناي باعاسى 0,59 دوللار قىمباتتاپ, باررەلىنە 55,90 دوللارعا جەتتى. دەگەنمەن, بۇگىن, دۇيسەنبىدە, باعا 55,70 دوللارعا دەيىن تومەندەدى.   وسى اپتا مۇناي باعاسىنا تومەندەگى شارالار اسەر ەتۋى مۇمكىن. سەيسەنبى, 7 ناۋرىز حالىقارالىق ەنەرگەتيكالىق اگەنتتىك اقش مۇناي ەكسپورتىنىڭ كولەمى تۋرالى مالىمەتتى جاڭارتادى. سارسەنبى, 8 ناۋرىز اقش ەنەرگەتيكا مينيسترلىگى اقش مۇناي مەن جانارماي قورى تۋرالى اپتالىق ەسەبىن جاريالايدى. بەيسەنبى, 9 ناۋرىز اقش ەنەرگەتيكا مينيسترلىگى اقش تابيعي گازىنىڭ قورى تۋرالى اپتالىق مالىمەتپەن بولىسەدى. جۇما, 10 ناۋرىز Baker Hughes كومپانياسى اقش بۇرعىلاۋ قۇرىلعىلارى تۋرالى اپتالىق ەسەبىن شىعارادى.