سولتۇستىك قازاقستان وبلىسى قىزىلجار اۋدانىنداعى اسپانديار اليەۆ اتتى كاسىپكەر حالىقارالىق ايەلدەر كۇنىنە گولللانديالىق 20 مىڭ قىزعالداق ءوسىردى, دەپ جازادى BNews.kz.
اسپانديار اليەۆتىڭ ايتۋىنشا, 10 جىل بۇرىن ونىڭ اتا-اناسى شىمكەنتتەن قىزىلجارعا كوشىپ كەلگەن.
«اكەم بىردەن ءۇش ءىرى جىلىجاي سالىپ تاستادى. وندا راۋشان مەن حريزانتەم گۇلدەرىن ءوسىردى. گۇلگە دەگەن قىزىعۋشىلىعىم وسىدان باستالدى. بيىل ءبىز گۇلدەردى قازان ايىندا ەكتىك. وسى ناۋرىز مەرەكەسىنە قاراي ءوسسىن دەپ. گوللانديالىق گۇلدەردىڭ سۇرىبى پاراد جانە گولدان پاراد", - دەيدى كاسىپكەر.
«اكەم مەن شەشەم شىمكەنتكە قايتىپ كەتتى. ءبىز كاسىپتى جالعاستىرىپ وتىرمىز. جۇمىس كۇنى تاڭ اتا ەرتە باستالادى. الدىمەن جىلىجايدى جىلىتۋ ءۇشىن وت جاعامىز. جىلىجاي تەمپەرەتۋراسى 22 گرادۋس بولۋى كەرەك. راۋشان كۇلدەرىن كۇنىنە بىرنەشگە رەت سۋارامىز. جۇمىستىڭ ءبارىن ءوزىمىز ىستەيمىز. ءونىمدى وبلىس ورتالىعى قىزىلجارداعى ءوز دۇكەندەرىمىزدە ساتامىز", - دەيدى كاسىپكەردىڭ ءىنىسى ءراشيت.
دۇكەننىڭ اۋدانى شامامەن 100 شارشى مەتر.
اۋىل تۇرعىندارى ەندى گۇل ساتىپ الۋ ءۇشىن قىزىلجار قالاسىنا بارۋ كەرەك ەمەستىگىن ايتىپ ريزاشىلىقتارىن بىلدىرۋدە.
