قورشاعان ورتانىڭ لاستانۋىنان جىلىنا 1,7 ملن بالا قايتىس بولادى

جىل سايىن قورشاعان ورتانىڭ لاستانۋىنان 5 جاسقا تولماعان 1,7 ملن بالا قايتىس بولادى. بۇل وسى جاستاعى بالالار ءولىمى كورسەتكىشىنىڭ تورتتەن ءبىرىن قۇرايدى, دەپ جازادى دۇنيەجۇزىلىك دەنساۋلىق ساقتاۋ ۇيىمىنىڭ رەسمي سايتى. "قورشاعان ورتانىڭ لاستانۋىنان, ونىڭ ىشىندە تۇرعىن ۇيلەردەگى اۋانىڭ لاستانۋى, تەمەكى ءتۇتىنى, تازارتىلماعان سۋ, سانيتارلىق جاعدايدىڭ تومەندىگى مەن گيگيەنانىڭ دۇرىس ساقتالماۋىنان جىل سايىن الەم بويىنشا 5 جاسقا تولماعان 1,7 ملن بالا قايتىس بولادى", دەلىنگەن باياندامادا. ۇيىم وكىلدەرىنىڭ ايتۋىنشا, جىل سايىن تىنىس الۋ ورگاندارى اۋرۋىنان 570 مىڭ بالا, ساپاسىز سۋدان بولعان اسقازان اۋرۋىنان, گيگيەنا مەن ناشار سانيتاريادان 360 مىڭ بالا قايتىس بولادى. سونىمەن قاتار دۇنيەگە كەلگەن سوڭ ءبىر ايدىڭ ىشىندە 270 مىڭ بالا ومىردەن وتەدى. ال  بەزگەك اۋرۋىنان 200 مىڭ, قورشاعان ورتاعا بايلانىستى ءتۇرلى جاراقات پەن ۋلانۋ سالدارىنان 200 مىڭ بالا كوز جۇمادى.