جەتكىنشەكتىڭ جۇلدەسى

تاۋەلسىزدىك العان جىلدار ىشىندەگى ەل ابىرويىنىڭ بيىكتەن كورىنۋىنە سپورت سالاسىنداعى سايىپقىران ساڭلاقتار از ۇلەس قوسقان جوق. وسى ءبىر ءۇردىس ۇرپاقتار اراسىنداعى داستۇرگە اينالدى دەسەك تە بولادى. ال­دىڭعى تولقىننىڭ قادامىن كەيىنگى ۇل مەن قىز جالعاستىرىپ كەلەدى. ونىڭ ىشىندە مەكتەپ وقۋشىلارى مەن ستۋدەنتتەردىڭ اراسىنداعى جەڭىسى قاي جاعىنان دا قادىر تۇتۋعا لايىق. سونداي ءبىر جاقسى جەتىستىككە جەتكەن جاس ۇلان, الماتى قالاسىنداعى № 159 گيمنازيانىڭ 8-سىنىپ وقۋشىسى تەمىرلان ءايتىموۆ ءۇندىستاننىڭ مۋم­باي قالاسىندا India Kudo International Federation ۇيىم­داس­تىرۋىمەن ءوت­كەن كۋدو شىعىس جەك­پە-جەگىنەن الەم كۋ­بو­­گىنىڭ باس ءجۇل­دەسىنە يە بولدى. – مۇنداي جو­عارى دەڭگەيدەگى دو­داعا ءبىزدىڭ العاش قاتىسۋىمىز. ءۇمى­تىمىزدى ۇكىلەپ, ەل نا­­مىسىن قورعاۋعا بار­عاننان كەيىن نامىستى قام­شىلاۋعا تۋرا كەلەدى ەكەن. تەمىرلان قايراتىنا ءمىنىپ, جىگەرىن جانىپ, العاشقى كۇننەن باستاپ-اق العا ۇمتىلدى. توككەن تەرىمىز زايا كەتپەدى. جەڭىمپاز اتانىپ وتانىمىزدىڭ كوك تۋىن ءۇندى ەلىندە جەلبىرەتتىك, – دەيدى تەمىرلاننىڭ باپكەرى دامير اقسەرىك ۇلى. جالپى, ءبىزدىڭ ەلىمىزدە كاراتەمەن اينالىسۋ وتكەن عاسىردىڭ 90-جىلدارىنىڭ باسىندا قانات جايا باستاعانى ءمالىم. ال 2001 جىلى حالىقارالىق ۇيىم شەشىمى بويىن­شا دايدو-دجۋكۋ كاراتە-دو اتاۋى كۋدو بولىپ اۋىس­تىرىلدى. كۋدو – تاكاشي ادزۋما نەگىزىن قالاعان كاراتە ءتۇرى, جاپون تىلىنەن اۋدارعاندا – «اشىق سانا جولى» دەگەن ماعىنانى بىلدىرەدى. بۇل كۋدومەن اينالىساتىن تۇلعالاردىڭ جاراسىمدى دامۋىنا ارنالعان رۋحاني جانە فيزيكالىق ءوزىن ءوزى جەتىلدىرەتىن جان-جاقتى جۇيە. سونىمەن, جەڭىمپاز دەپ تا­نىلعان 14 جاستاعى تەمىرلان ءاي­تىموۆ الداعى ۋاقىتتا دا ازات قازاق ەلىنىڭ مارتەبەسىن كۋدو شى­عىس جەكپە-جەگى بويىنشا بيىك­تەتە بەرۋگە بەل بايلاعان. سۇلەيمەن مامەت, «ەگەمەن قازاقستان»