جەلاياق جۋرناليستەر جارىستى

قىستىڭ سوڭعى كۇنىن الا ەلور­داداعى «الاۋ» مۇز ايدىنى سا­رايىندا بۇ­قارالىق اق­پا­رات وكىلدەرى اراسىندا كونكي تەبۋدەن جارىس ۇيىمداستى-رىلدى. جارىس وليمپيادا ەرە­جەسى بويىنشا ەرلەر مەن ايەل­دەر اراسىندا 100 مەتر قا­شىقتىقتا ءوتتى. العاش بولىپ مۇز ايدىنىنا نازىك جاندىلار شىقتى. سەگىز جۇپ ءوزارا باق سىناعانمەن, ۋاقىت بويىنشا بۇرىن كەلگەن التاۋى ەكىنشى كەزەڭگە جولداما الدى. شەشۋشى كەزەڭدە مارە سىزىعىن 20.63 سەكۋند كورسەتكىشپەن قيعان «توي دۋمان» تەلەارناسىنىڭ ءتىلشىسى ارايلىم قۇلماعانبەتوۆا ءبىرىنشى ورىنعا يە بولسا, «قازاقستان» ۇلتتىق ارناسىنىڭ قىزمەتكەرى ءمولدىر اسىلبەكوۆا 22.54 سەكۋند كورسەتكىشپەن ەكىنشى ورىنعا تۇراقتادى. ۇزدىك ۇشتىكتى ۇلتتىق ارنانىڭ تاعى ءبىر ءجۋرناليسى اسەم سەرىكباي 23.00 سەكۋندپەن تۇيىندەدى. تارتىستى باسەكە ەرلەر اراسىندا ءوتتى. توعىز جۇپ ءوزارا مىقتىلاردى انىقتاعاننان كەيىن اقتىق سىنعا التى ادام شىقتى. مۇندا 14.95 سەكۋند كورسەتكىشپەن «قازاق تۆ» ارناسىنىڭ ءتىلشىسى ارداق ساتپاەۆ جارىستى ءبىرىنشى ورىنمەن اياقتادى. ال ءجۇز مەترلىك قاشىقتىقتى 15.26 سەكۋندتا باعىندىرعان «ۇلتتىق مۋزەي» قىزمەتكەرى دوسجان ىسقاقوۆ ەكىنشى جۇلدەگە يە بولدى. ال ۇزدىك ۇشتىكتى «ەگەمەن قازاقستان» گازەتىنىڭ ءتىلشىسى ايان ءابدۋالي 16.57 سەكۋند كورسەتكىشپەن قورىتىندىلادى. تىلشىلەر اراسىنداعى جارىس­تى «الاۋ» مۇز ايدىنى سارايى مەن «رەسپۋبليكالىق راديو» جشس بىرلەسىپ ۇيىمداستىردى. ءداستۇرلى تۋرنير وسىمەن ەكىنشى جىل وتكىزىلىپ وتىر. شارا بىلتىر «شالقار» ۇلتتىق راديوسىنىڭ 50 جىلدىعىنا وراي العاش رەت ۇيىمداستىرىلعان بولاتىن. گۇلنۇر قۋانىشبەكقىزى, «ەگەمەن قازاقستان»