بالاباقشاداعى ونكۇندىك

ەركە ەرتىستىڭ وڭ جاعالاۋىندا ورنالاسقان «ارمان» بالاباقشا-بوبەكجايى – 400-گە جۋىق تاربيەلەنۋشىسى بار ارالاس ءتىلدى مەكتەپكە دەيىنگى مەكەمە. مۇندا بۇلدىرشىندەردىڭ كرەاتيۆتى جەكە تۇلعاسىن قالىپتاستىرۋ ماقساتىنداعى پەداگوگيكالىق ءۇردىستى جۇزەگە اسىرۋعا بار مۇمكىندىك جاسالعان. وقۋ جىلى كولەمىندە ءتۇرلى ماقساتقا باعىتتالعان ءىس-شارالار ۇيىمداستىرىلدى. سونىڭ ءبىرى – ەل تاۋەلسىزدىگىنىڭ 25 جىلدىعىنا وراي ۇيىمداستىرىلعان ونكۇندىك. ونكۇندىكتىڭ نەگىزگى ماقساتى – جاس بۇلدىرشىندەردى تۋعان ەلىن, جەرىن, وتانىن سۇيۋگە, قۇرمەتتەۋگە باۋلۋ, ەلجاندىلىققا تاربيەلەۋ. بۇل شارا «ءبىز – تاۋەلسىز ەلدىڭ ۇرپاعىمىز» اتتى سالتاناتتى ەرتەڭگىلىكپەن باستالدى. اتالعان ونكۇندىكتەن اتا-انالار دا شەت قالماي, «تاۋەلسىزدىكتىڭ 25 جىلدىعىنا – 25 جادىگەر» اتتى قولونەر كورمەسىندە ءتۇرلى بۇيىمدار جاساپ, كوپشىلىك نازارىنا ۇسىندى. «گۇلدەنە بەر, مەنىڭ قازاقستانىم!» سۋرەت كورمەسى دە ەرەكشەلىگىمەن كوز تارتا ءبىلدى. ال «تاۋەلسىزدىك – تۇ­عىرىم» تاقىرىبىندا وتكەن ەرتەڭگىلىكتە وزگە ۇلت وكىلدە­رىنىڭ بالالارى قابانباي, ناۋرىزباي, بوگەنباي سىندى قازاق باتىرلارىنىڭ بەينەسىندە ولەڭ وقىپ, بي بيلەپ, بابالار رۋحىن, باتىرلار رۋحىن دارىپتەدى. كونەنىڭ كوزى – بابالارىمىزدىڭ ۇرپاقتان ۇرپاققا جەتكەن اسىل سوزدەرىن مانەرلەپ ايتۋ ماقسا­تىندا ۇيىمداستىرىلعان «اتا­دان قالعان اسىل ءسوز» سايىسىندا ايگىلى بيلەردىڭ ۇرپاقتارى ءوزارا ماقال-ماتەل, ناقىل سوزدەر ايتىپ جارىستى. «شىنىققان شىمىر بالامىز, ەلگە قورعان بولامىز!» سپورتتىق سايىسى دا تارتىستى ءوتىپ, ونكۇندىكتىڭ ءمانىن اشا ءبىلدى. ال «ۇلتتىق ناقىش بۇرىشى» كورمەسى اتا-انالاردىڭ كومەگىمەن جاسالعان قولونەر بۇيىمدارىمەن تامساندىردى. ءارتۇرلى جاستاعى توپ ءتار­بيە­­­لەنۋشىلەرىمەن «الەم­گە تا­­نىلعان قازاقستان» تاقىرىبىندا داسۇردەن تىس وقۋ قىزمەتتەرى وتكىزىلىپ, پەداگوگتار بالالاردىڭ تانىمدىق, قىزىعۋشىلىق, شىعارماشىلىق بەلسەندىلىكتەرىن ارتتىرۋعا, سويلەۋ قابىلەتىن دامىتۋعا ەرەكشە كوڭىل ءبولدى. ەرەسەك توپ بالالارىمەن ۇيىمداستىرىلعان «قاھارمان قايرات» ساحنالىق قويىلىمى جاقسى اسەر قال­دىردى. بالا قايراتتىڭ بەينەسىن كورسەتۋدەن باستالعان قويىلىمدا بۇلدىرشىندەر 1986 جىلعى جەل­توقسان وقيعاسى تۋرالى وزدە­رىنىڭ جاس ەرەكشەلىكتەرىنە ساي ­ماعلۇمات الدى. بالاباقشا اياسىندا وتكىزىلگەن وسىنداي يگى, شا­رالاردىڭ بولاشاق جەكە تۇل­عالاردى تاربيەلەۋدەگى ما­ڭىزى وتە زور. سەبەبى, ءبىلىم­نىڭ دە, تاربيەنىڭ دە قاينار كو­زى – بالاباقشادا. وسى ورايدا اتالمىش اۋقىمدى شارا­لار­دىڭ ۇيىتقىسى بولىپ, ۇس­تاز­دار ۇجىمىن ىسكەرلىكپەن باس­ق­ارىپ وتىرعان بالاباقشا-بوبەكجايى­نىڭ ديرەكتورى ايگۇل قى­رىق­باەۆا, ادىسكەرلەر ءزۇلفيا حامي­دۋللينا, ايدا ەرعاليەۆا سياق­تى پەداگوگتار قاۋىمىنىڭ قا­جىر­لى ەڭبەگىن اتاپ وتكەن ءلازىم. گۇلبانۋ تولەنوۆا وسكەمەن قالاسىنداعى №9 «ارمان» بالاباقشا-بوبەكجايىنىڭ قازاق ءتىلى ءپانىنىڭ مۇعالىمى