جامبىل وبلىسىندا جيھازى جوق كىتاپحانالار بار

بۇگىندە ەلىمىز دامۋدىڭ داڭعىل جولىنا ءتۇسىپ, الەمدىك وركەنيەتتەن ءوز ورنىن العالى بەرى بارلىق سالا دەرلىك زاماناۋي سيپاتقا كوشتى. عالامتور جۇيەسى قۇرىلىپ, ءبىلىم بەرۋدىڭ دە ءتۇرلى تاسىلدەرى جۇزەگە استى. جامبىل وبلىسىندا 288 كى­تاپحانا بولسا, سول كىتاپ­حا­­نالاردىڭ 92 پايىزى كومپيۋ­تەر­مەن قام­تى­لىپتى. كى­تاپ­حا­نالاردىڭ ما­تە­­ريال­دىق-تەحنيكالىق جاعدايىن جاق­­­سارتۋ ماقساتىندا وبلىس بوي­ىن­­شا 13 ميلليون 589,6 مىڭ تەڭ­­گە جۇمسالعان. دەسەك تە, ءالى دە ءبىر­قاتار وزەكتى ماسەلەلەر بار ەكەن. مەركى اۋداندىق ورتالىق كى­تاپحاناسى ءالى كۇنگە دەيىن جي­ھازسىز وتىر. 2014 جىلى ءجون­د­ەۋدەن وتسە دە, بۇل ماسەلە ءالى شەشىمىن تاپپاي كەلەدى. مۇن­دا عالامتور ەندى قوسىلىپ جات­قانىمەن, كىتاپ سورەلەرى جا­ڭار­تىلماعان. ءتىپتى, جيھازدىڭ جوق­تىعىنان اتالعان مەكەمە وب­لىس­تىق كىتاپحاناشىلار سەمينارىن دا وتكىزە الماي وتىر ەكەن. ەن­دى اۋدانداعى كىتاپحانانىڭ جايى وسىنداي بولعاندا, وعان قا­راستى 28 كىتاپحانانىڭ كۇيىن توپ­­شىلاي بەرۋگە بولادى. مەركى اۋ­­داندىق كىتاپحاناسىنىڭ دي­رەك­­تورى جانات سۇيىمقۇلوۆا اۋدان اكىمىنىڭ جيھاز الۋعا 2 مي­لليون تەڭگە بولگەنىن ايتتى. الايدا, بۇل قاراجات تا جەت­كى­لىكسىز بولىپ وتىر. مۇنداي ماسەلە مويىنقۇم اۋ­دانىندا دا بار. وسى ۋا­قىتقا دەيىن اۋدانداعى 20 كى­تاپ­­­حانانىڭ 19-ى عالامتورعا قو­­سىلماعان. بۇدان بولەك, اۋدان كى­تاپ­حاناسىنداعى جيھاز­دار دا توز­­عان, ستەللاجدار دا زاماناۋي تالاپقا ساي ەمەس. كى­تاپحانا دي­رەكتورى عاليا شۋباەۆا وسى ماسەلەلەرگە جەر­گى­­لىكتى اكىمدىكتەن جىل سايىن اق­­شا سۇرايتىنىن, الايدا, الا ال­ماي كەلە جاتقانىن جەتكىزدى. ءبى­راق بۇگىندە 5 كىتاپحانانى عا­لامتورعا قوسۋ ءۇشىن جەرگىلىكتى بيۋد­جەتتەن 1 ميلليون 271 مىڭ تەڭ­گە قاراستىرىلىپتى. ەندى كى­تاپحانا باسشىلىعى تاعى 10 كىتاپحانانى عالامتورعا قوسۋ ءۇشىن اۋدان اكىمدىگىنەن قا­راجات سۇراپ وتىر. جيھاز دە­مەك­شى, كىتاپحاناعا 2014 جىلى قارجى ءبولىنىپ, ول اقشاعا تەك قانا وقۋ زالىنا ورىندىقتار الىنعان ەكەن. ەندى قانشا قا­راجات ءبولىنىپ, كىتاپحانا قا­شان قالپىنا كەلەتىنىن ۋاقىت كور­سەتەدى. حاميت ەسامان, «ەگەمەن قازاقستان» جامبىل وبلىسى