انا مەن بالاعا ايرىقشا كوڭىل

ەجەلدەن «ءبىر قوزى ارتىق تۋسا, ءبىر ءتۇپ جۋساننىڭ دا ار­تىق شىعاتىنىن» ۇعىنعان حالقى­مىز انا مەن بالاعا ايرىق­شا كوڭىل بولگەن. بۇل كۇندە دەموگرا­فيا­لىق ءوسۋدى باستى نازارعا العان ەلىمىز ءۇشىن وڭىرلەردەگى كورسەت­كىش تە ەداۋىر جاقسارعان. جۋىر­دا عانا تاراز قالاسىندا №1 قالا­لىق اۋرۋحانا جانىنان 25 ورىندىق بوسانۋ بولىمشەسى اشىل­عان بولاتىن. اشىلعانىنا اپتا تول­ماعان پەرزەنتحانا سول كۇننەن باستاپ-اق جۇكتى ايەلدەردى قابىل­داپ, وندا كۇنى بۇگىنگە دەيىن 8 ءسابي دۇنيە ەسىگىن اشتى. بۇل – وڭىرىمىزدەگى كوپ سالالى اۋرۋحانا جانىنان قۇرىلعان العاشقى پەرزەنتحانا. وبلىس اكىمدىگى دەنساۋلىق ساقتاۋ باسقار­ماسىنىڭ انا مەن بالا دەن­ساۋلىعىن قور­عاۋ ءبولىمىنىڭ باسشىسى قۇرالاي سارينا اتالعان پەرزەنتحانا دەنساۋلىق ساقتاۋ مي­نيستر­لىگىنىڭ ايماقتاندىرۋ باعدار­لاماسىنا وراي اشىلىپ وتىرعانىن ايتادى. سونىمەن قاتار, بۇل بو­سانۋ بولىمشەسى ءبىرىنشى دەڭگەيلى بولىپ ەسەپتەلەدى. مامانداردىڭ ايتۋىنشا, مۇندا دەنساۋلىعى قالىپ­تى, جۇكتى­لىك كەزەڭىندە ەشقان­داي وقىس جاعدايلار, اسقىنۋلار بولماعان ايەلدەر قابىلدانادى جانە جىل سايىن ورتا ەسەپپەن 2500-3000 ءسابي وسى شاڭىراقتا ءدۇ­نيەگە كەلەدى. سونداي-اق, پەرزەنت­حانانىڭ ءاربىر بولمەسىنە انا قۇرساعىنداعى شارانانىڭ جۇرەك قاعىسىن قاداعالايتىن قوندىرعى ورناتىلعان. قاجەتتى جابدىقتار گەرمانيا, يزرايل جانە رەسەيدەن جەتكىزىلگەن. مەكەمەدە انالار مەن بالالار ءۇشىن بار جاعداي جاسالعان. ال, پەرزەنتحانا ماماندارى انا مەن بالا قاۋىپسىزدىگى جانە جاڭا پەريناتالدىق تەحنولوگيالار بويىنشا ارنايى كۋرستاردان وتكەن. پەرزەنتحانانىڭ بوسانۋ ءبولىمى­نىڭ مەڭگەرۋشىسى, جوعارى ساناتتى دارىگەر ولگا بولشاكوۆا قاجەت جاعدايدا جاڭا بوسانعان انالارعا پسيحولوگ تا كومەككە كەلەتىنىن, بوسانعاننان كەيىن ءسابيدىڭ بىردەن اناسىنا بەرىلەتىنىن جانە بۇل ءۇردىستىڭ بالا اعزاسىندا قورعانىس قابىلەتىنىڭ قالىپتاسۋى ءۇشىن ماڭىزدى ەكەنىن ايتىپ وتىر. حاميت ەسامان, «ەگەمەن قازاقستان» جامبىل وبلىسى