«قازترانسگازايماق» ەۋروپالىق ساپا مەنەدجمەنتى قورىنىڭ سەرتيفيكاتىن الدى

استانادا گاز سالاسىنداعى ۇلتتىق وپەراتوردىڭ وندىرىستىك كومپانياسى "قازترانسگازايماق" اق-قا ەۋروپالىق ساپا مەنەدجمەنتى قورىنىڭ 5-دەڭگەيلى "مويىندالعان كەمەلدىلىك" سەرتيفيكاتىن تابىستاۋعا ارنالعان رەسمي شارا ءوتتى. وتاندىق وندىرىستىك كومپانيا وسىنداي جوعارى دەڭ­گەي­لى سەرتيفيكاتقا تۇڭعىش رەت قول جەت­كىزدى. بۇل – تەك «قاز­ترانس­گاز­ايماق» اق ءۇشىن ەمەس, سونىمەن قا­­تار كاسىبىنىڭ سا­پاسىن كوتەرۋگە نيەت­تى قازاقستاندىق وزگە دە كوم­پا­­نيالار ءۇشىن ايتۋلى وقيعا. ەۋروپالىق ساپانى باسقارۋ قو­رى مويىنداعان كارى قۇرلىق­تاعى مۇن­داي كومپانيالار ۇزدىكتەر­دىڭ ءۇز­دىگى سانالادى. دەگەنمەن, ولار وسى جەتىستىگىمەن توقتاپ قال­ماي­­دى. سەرتيفيكاتتى يەلەنگەن مە­­كەمە نارىقتا قالىپتاسقان جاع­دايعا بايلانىستى باسقارۋ پرو­­تسەستەرىن ودان ءارى جەتىلدىرە بە­رۋگە مۇددەلى بولادى. «قازترانسگازايماق» اق قىز­مەتىن EFQM-دە تىركەلگەن بە­دەلدى ساراپشىلار ارناۋلى 9 ءتۇرلى ولشەم بويىنشا باعالادى. بۇلار – كوشباسشىلىق, بىلىكتى قىز­مەتكەرلەر, ارىپتەستىك پەن رە­سۋرستار, وندىرىستىك ۇدەرىستەر, ءونىم­دەر مەن قىزمەت تۇرلەرى, تۇ­تى­نۋشىلارعا ارنالعان ناتيجە, قىز­مەتكەرلەرگە ارنالعان ناتيجە, قو­عامعا ارنالعان ناتيجە, بيز­نەس­ت­ىڭ شەشۋشى ناتيجەلەرى. ايتا كە­تۋ كەرەك, گاز سالاسىن­د­اعى ۇلت­تىق وپەراتور ءۇشىن بيز­نەس-پرو­تسەستەردى جەتىلدىرۋ – كومپا­نيا­لار توبىندا ءاردايىم با­سىم­دىق بەرىلگەن ەڭ ماڭىز­دى ماسەلەلەردىڭ نەگىزگىسى بولىپ تا­بىلادى. بۇعان «قازترانسگاز» اق-تىڭ «سامرۇق-قازىنا» ءال-اۋقات قورى» اق جۇرگىزىپ وتىر­عان ترانس­فورماتسيالاۋ جانە وڭتاي­لان­دىرۋ باعدارلاماسى بويىنشا ءۇز­دىك سانالۋى دالەل بولا الادى. «قازترانسگازايماق» اق باس ديرەكتورى ماناس تاسىباەۆ سەر­تيفيكاتتىڭ تابىستالۋى ۇلت­تىق وپەراتوردىڭ قىزمەتىنىڭ جە­تىستىگىن مويىنداۋ دەپ ساناي­دى. «وسىنداي سەرتيفيكاتتار مەن جوعارى باعاعا بىزدەر ءبى­رى­گىپ قول جەتكىزدىك, – دەدى ما­ناس تا­سىباەۆ. – دەگەنمەن, ءبىز­دىڭ جۇ­مى­سىمىزعا بەرىلگەن بۇل باعا ءبىز­­گە جاۋاپكەرشىلىگى جو­عا­رى ءمىن­­دەتتەر دە جۇكتەيدى. سون­دىق­تان دا ءارى قاراي دا تىنباي قىز­مەت ەتىپ, ابىرويىمىزدى ارتتى­رىپ, ينۆەستيتسيالىق تار­تىم­دى­لىق پەن نەسيەلىك سە­نىم­دىلىكتى جو­عال­ت­پا­ۋ­ىمىز قا­جەت». «قازترانسگازايماق» اق قىز­مەتى 2013 جىلدان بەرى با­عا­لانىپ كەلەدى. سودان بەرى كوم­پانيا مەنەدجمەنتتىڭ حا­لىقارالىق ستاندارتتارىن ەن­گى­زىپ, ساپانى, ەكولوگيالىق اس­پەكتىلەر مەن وندىرىستىك قاۋ­ىپ­­سىزدىكتى باسقارۋدىڭ ءتيىمدى ين­تەگراتسيالانعان جۇيەسىن قۇ­را ءبىلدى. كومپانيا يەلەنگەن فرانتسيا­نىڭ AFNOR اگەنتتىگىنىڭ ISO حالىقارالىق ستاندارتتارى وسى­نىڭ ايعاعى بولىپ تابىلادى. وتاندىق كومپانيالاردىڭ ەۋروپالىق ساپا ستاندارتتارىنا ساي بولۋىن پرەزيدەنت نۇرسۇلتان نازارباەۆ اتاپ وتكەن بو­لاتىن. ەلباسى قازاقستاندىق كاسىپورىنداردىڭ باسشىلارىن ونىمگە دەگەن سۇرانىستىڭ جوعارى بولۋىن قاتاماسىز ەتىپ, زامان تالابىنا سايكەستەندىرۋ ءۇشىن وندىرىستە يننوۆاتسيالىق جەتىستىكتەردى ەنگىزۋگە شاقىردى. EFQM اتىنان سالماقتى ما­را­پاتتى تابىس ەتكەن «قازاق­ستان­­دىق ساپا ۇيىمى جانە يننو­ۆاتسيالىق مەنەدجمەنت» قو­عام­دىق ۇيىمىنىڭ پرەزيدەنتى ازات ابدراحمانوۆ مۇنداي با­عا قازاقستاننىڭ وندىرىستىك كوم­پانيالارى ءۇشىن ايتۋلى وقي­عا بولىپ تابىلاتىندىعىن اتاپ ءوتتى. «بۇل – قول جەتكىزىلگەن ءنا­تي­جەلەرگە بەرىلگەن جوعارى با­عا. «قازترانسگازايماق» اق «BMW», «BOSCH», «Grundfos» سيا­قتى الەمگە ايگىلى كومپانيا­لار ەنگەن, مويىندالعان ەۋرو­پا­لىق كومپانيالاردىڭ قا­تا­رىنا قوسىلدى. كومپانيا­نىڭ بۇلايشا تانىلۋى شەت­ەل­دىك ينۆەستورلاردىڭ قىزى­عۋ­شى­لى­عىن الدەقايدا ارتتىرادى», دەدى ازات ابدراحمانوۆ. «مويىندالعان كەمەلدىلىك» EFQM سەرتيفيكاتى – ەۋروپانىڭ بيز­نەس سالاسىنداعى ەڭ بەدەلدى ءجۇل­دەلەردىڭ ءبىرى سانالادى. ەۋروپا ەلدەرىنىڭ ساپانى با­قى­لاۋ سالاسىنداعى ۇلتتىق جانە اي­ماقتىق دەڭگەيدەگى وزگە ماراپاتتارى سوعان قاراپ بوي تۇزەيدى. ايناش ەسالي, «ەگەمەن قازاقستان»