قىزىلوردا وبلىسىندا ەكى امبۋلاتوريا اشىلدى

قىزىلوردا وبلىسىنداعى ارال اۋدانىندا ەكى امبۋلاتوريا اشىلدى. امانوتكەل جانە قاراتەرەڭ اۋىلى اۋدان ورتالىعىنان شالعاي بولعاندىقتان, ارلى-بەرلى قاتىناۋ قيىن. سوندىقتان مەديتسينالىق نىسانداردىڭ ەل يگىلىگىنە بەرىلۋى ارالدىقتار ءۇشىن اسا ماڭىزدى. قۇرىلىسىنا 100 ميلليون تەڭگەدەن استام قارجى جۇمسالعان قوس نىسان جاڭا ەمدەۋ قۇرالدارى جانە ءدارى-دارمەكپەن تولىق قامتىلعان, دەپ حابارلادى 24.kz. «شانشۋ قادالىپ, سۇيەك سىرقىراسا بولدى, قاراتەرەڭنەن 200 شاقىرىم جەردەگى اۋدان ورتالىعىنا بارىپ تەكسەرىلۋگە تۋرا كەلەتىن», - دەيدى 70-تەن اسقان ءمىناجات اقساقال. امانوتكەن ەلدى مەكەنىندە 2 مىڭعا جۋىق تۇرعىن بار. وتكەن عاسىردىڭ 80-جىلدارى سالىنعان ەسكى مەديتسينالىق مەكەمە ورنىنا 10 توسەكتىك كۇندىزگى ەمدەۋ ءبولىمى بار جاڭا نىسان اشىلىپ وتىر. "وسىندا 800-900 ديسپانسەرلىك ناۋقاس بار. ديسپانسەرلىك ەسەپتە تۇرعان 50-دەن استام بالا بار, سولارعا قىزمەت كورسەتەمىز. ءبىز كۇنى كەشەگە دەيىن قان, كىشى دارەت سياقتى ەكى-اق اناليز الاتىنبىز. ەندى زەرتحاناعا جاڭا اپپارات كەلدى. بيوحيميالىق اناليزدەردىڭ ءبارىن شىعارادى", - دەدى امانوتكەل اۋىلىنداعى امبۋلاتوريا دارىگەرى ماماي وتەمىسوۆ. جالپى وڭىردە وتكەن جىلى 10 امبۋلاتوريا اشىلعان بولاتىن. بيىل تاعى 4 امبۋلاتوريا سالىنادى. ونىڭ بىرەۋى ارال اۋدانىنىڭ بەكباۋىل اۋىلىندا بوي كوتەرەدى.