جاپونيا پرەمەر-ءمينيسترىنىڭ وكىلەتتىگى ۇزارتىلدى

جاپونيا بيلىگىنىڭ ليبەرالدى-دەموكراتيالىق پارتياسىنىڭ وكىلدەرى جەكە وزدەرىنىڭ جارعىلارىنا وزگەرىس ەنگىزۋ تۋرالى رەسمي شەشىم قابىلدادى. وعان سايكەس, ءبىر مەزگىلدە ەلدىڭ ۇكىمەت باسشىسى بولىپ ەسەپتەلەتىن پارتيا توراعاسىنىڭ وكىلەتتىگى 6-دان 9 جىلعا دەيىن سوزىلادى, دەپ حابارلايدى قازاقپارات. مۇنداي شەشىم توكيودا اشىلعان ليبەرالدى-دەموكراتيالىق پارتيانىڭ سەزىندە قابىلداندى. بۇل شەشىم وسى ۋاقىتتا جاپونيانىڭ پرەمەر-ءمينيسترى لاۋازىمىن اتقارىپ وتىرعان سيندزو ابەنىڭ 2018 جىلى وتستاۆكاعا كەتپەي, وسى قىزمەتىندە قالۋىنا مۇمكىندىك بەرەدى. ابە ءوزىنىڭ كاديداتۋراسىن ىشكى سايلاۋعا ۇسىناتىن بولسا, بولاشاقتا, ناقتىراق ايتقاندا 2021 جىلعا دەيىن پرەمەر-لاۋازىمىندا قالۋىنا مۇمكىندىگى بار. جاپونيالىق ليبەرال دەموكراتتاردىڭ باسشىسى سيندزو ابە وسى ەلدە بولعان جالپىحالىقتىق سايلاۋدا دەموكراتيالىق پارتيادان باسىم تۇسكەن سوڭ بۇگىنگى قىزمەتىنە 2012 جىلى كىرىسكەن بولاتىن جانە ول ءوز لاۋازىمىن 2018 جىلى بوساتۋى قاجەت ەدى. الايدا, ونىڭ پارتيا بويىنشا جاقتاستارى ۇكىمەت باسشىسىنا ەكونوميكالىق رەفورمالاردى جۇزەگە اسىرىپ, 2020 جىلى توكيودا بولاتىن وليمپيادانى وتكىزۋ ءۇشىن تاعى قوسىمشا ۋاقىت بەرۋ تۋرالى بىرنەشە مارتە باستاما كوتەردى.