اقتاۋدان ىستانبۇلعا تىكەلەي رەيس اشىلادى

26 ناۋرىزدان باستاپ اقتاۋدان ىستانبۇلعا تىكەلەي رەيس شىعادى, دەپ حابارلادى tumba.kz. وتكەن ايدا تۇركيانىڭ «Atlasglobal» اۆياكومپانياسى مەن قر كولىك كوميتەتى قازاقستان (اقتاۋ) -تۇركيا حالىقارالىق اۆيا جەلىسى بويىنشا تۇراقتى اۆياتاسىمالداۋ تۋرالى كەلىسىم جاساستى. بۇل تۋرالى جاڭا رەيستىڭ تانىستىرىلىمىندا «Atlasglobal» ديرەكتورى ورحان سانجار حابارلادى. «بۇدان بۇرىن, 7-8 جىلداي ءبىز اقتاۋلىقتارمەن جۇمىس ىستەدىك. بىزدە چارتەرلىك رەيستەر بولدى, سوڭعى 2 جىلدا بۇل رەيستەر جابىلىپ قالعان. مىنە, ەندى ءبىز كەلىسىمشارت نەگىزىندە رەيستەردى قايتا اشقانىمىزدا بۇرىنعى تۇتىنۋشىلارىمىز جىلى لەبىزدەرىن ءبىلدىرىپ جاتىر, دەدى ورحان سانجار. اۆياكومپانيا ديرەكتورىنىڭ ايتۋىنشا, 26 ناۋرىزدان باستاپ تۇركيادان اقتاۋعا, 27 ناۋرىزدان باستاپ اقتاۋدان تۇركياعا ۇشاقتار ۇشا باستايتىنىن ايتتى. بيلەتتىڭ قۇنى ەكى جاققا شامامەن 70 مىڭ تەڭگەنى قۇراسا, بيزنەس-كلاسس قۇنى - 141 مىڭ تەڭگە. ودان ءارى كومپانيا رەيستەر سانىن ۇلعايتۋدى جوسپارلاۋدا. قازىر «Atlasglobal» اۆياكومپانياسى تۇركيانىڭ ءار قالالارىنا ۇشىرىلىمدى قامتاماسىز ەتۋدە.