گولوۆكين جەڭىلىپ كورمەگەن بوكسشىلاردىڭ ۇزدىك بەستىگىنە ەندى

ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى گەننادي گولوۆكين (36-0, 33 كو) بريتانيالىق BoxNation تەلەارناسى جاساعان جەڭىلىپ كورمەگەن 5 ۇزدىك بوكسشىنىڭ تىزىمىنە ەندى, دەپ حابارلايدى vesti.kz. تەلارنانىڭ سايتىندا جاريالانعان ۆيدەودا گولوۆكين سەگىز بوكسشىنىڭ ىشىندە ءتورتىنشى ورىنعا جايعاسقان. قازاقستاندىق بىلعارى قولعاپ شەبەردى 36 جەكپە-جەكتىڭ بارىندە جەڭىسكە جەتكەن, ونىڭ 33-ءىن ۋاقىتىنان بۇرىن اياقتاعان. وعان قوسا, ول ورتا سالماقتاعى ەڭ ۇزدىك نوكاۋتشى. GGG قاتارىنان 23 كەزدەسۋىن نوكاۋتپەن اياقتاپ, 18 مارتە اتاعىن ءساتتى قورعاپ قالعان. قازاقستاندىق بوكسشىنى تىزە بىكتىرۋگە تەك مەكسيكالىق ساۋل "كانەلو" الۆارەس قاۋقارلى دەپ سانايدى BoxNation. BoxNation رەيتينگىسى: 1. رومان گونسالەس (46-0) 2. ۆاەنحونگ مەنايوتين (45-0) 3. دەونتەي ۋايلدەر (38-0) 4. گەننادي گولوۆكين (36-0) 5. مايكي گارسيا (36-0) 6. حيلبەرتو راميرەس (34-0) 7. دەنني گارسيا (33-0) 8. تەرري فلەناگان (32-0). ايتا كەتەيىك, گولوۆكين مەن دجەيكوبس اراسىنداعى ايقاس 18 ناۋرىزدا نيۋ-يوركتەگى Madison Square Garden ارەناسىندا وتەدى.