رەسەي عالىمدارى قاتەرلى ىسىكتىڭ بارلىق تۇرىنە ارنالعان پرەپارات ويلاپ تاپتى

رەسەي عالىمدارى قاتەرلى ىسىكتىڭ بارلىق تۇرىنە جانە كەزەڭىنە قارسى ويلاپ تاپقان گەندىك-ينجەنەرلىك پرەپاراتتى عارىشتا سىناقتان وتكىزدى. بۇل تۋرالى فەدەرالدى مەديكو-بيولوگيالىق اگەنتتىكتىڭ (فمبا) مەملەكەتتىك عىلىمي-زەرتتەۋ ينستيتۋتى ديرەكتورىنىڭ ورىنباسارى, پروفەسسور اندرەي سيمبيرتسەۆ مالىمدەدى, دەپ حابارلادى muslim.kz قاتەرلى ىسىكتەردى ەمدەۋگە ارنالعان جاڭا پرەپارات بيوتەحنولوگيا كومەگىمەن الىنعان. عارىشتىق سىناقتى ءساتتى وتكىزگەن ينستيتۋت ەندى كلينيكاعا دەيىنگى سىناقتى جاقسى اياقتاپ, ونكولوگيا سالاسىنداعى عىلىمي جەتىستىكتى جەتىلدىرە تۇسپەك. سيمبيرتسەۆتىڭ ايتۋىنشا, پرەپارات مەلانوم جانە ساركوم سەكىلدى قاتەرلى ىسىك تۇرىنە شالدىققان تىشقان مەن اتجالمانعا سالىنعان. پرەپارات سىرقاتتىڭ كەز كەلگەن كەزەڭىندە دە ءتيىمدى بولىپ, وڭ ناتيجە كورسەتكەن. سىناق كەزىندە ءدارىنىڭ جاناما اسەرلەرى انىقتالماسا دا, قاۋىپسىزدىك جونىندەگى سوڭعى شەشىم شىعارۋعا ءالى ءبىر جىلداي ۋاقىت كەرەك كورىنەدى. تەك سودان كەيىن عالىمدار جاڭا پرەپارات بويىنشا كلينيكالىق سىناق جۇرگىزۋگە كىرىسەدى. ال كلينيكالىق سىناق جۇمىستارىنا ادەتتە 2-3 جىل ۋاقىت كەتەدى.