پرەزيدەنت تاعايىندايتىن مينيسترلەر ءتىزىمى ناقتىلاندى

بۇگىن ءماجىلىستىڭ زاڭناما جانە سوت-قۇقىقتىق رەفورما كوميتەتىندە اتا زاڭعا ەنگىزىلەتىن وزگەرىستەر مەن تولىقتىرۋلار پىسىقتالىپ, قىزۋ تالقىلاندى. اتاپ ايتساق, پرەزيدەنت تاعايىندايتىن مينيسترلەر ءتىزىمى ناقتىلاندى, دەپ حابارلادى 24.kz. كوميتەت مۇشەلەرى ەلباسى ىشكى ىستەر ءمينيسترىن دە ءوزى تاعايىندايتىندىعىن ايتتى. وعان دەيىن ەلىمىزدىڭ سىرتقى ىستەر, قورعانىس جانە ادىلەت ءمينيسترىن تاعايىنداۋ مەملەكەت باسشىسىنىڭ قۇزىرەتىندە قالعان بولاتىن. پرەزيدەنت ىشكى جانە سىرتقى ساياساتتى ىسكە اسىرىپ, ۇلتتىق قاۋىپسىزدىككە جاۋاپ بەرەدى. «بۇگىنگى تاڭدا پارلامەنت زاڭعا قول قويعانشا ەلباسى كونستيتۋتسيالىق كەڭەسكە سول زاڭدى جىبەرۋگە قۇقىلى. كونستيتۋتسيانىڭ نورماسىنا سايكەس پە, الدە باسقاشا ما, وسىنىڭ باعاسىن بەرىڭدەر دەپ جىبەرۋگە قۇقىلى. ال ەندى كونستيتۋتسيانىڭ 44-بابىنا وزگەرىس ەنگىزۋ ۇسىنىلىپ وتىر», - دەيدى قر پارلامەنتى ءماجىلىسىنىڭ دەپۋتاتى نۇرلان ءابدىروۆ.