جاسىل تەحنولوگيالاردىڭ بولاشاعى زور

قازاقستاننىڭ جاسىل ەكونوميكاعا كوشۋى جونىندەگى تۇجىرىمداماسىن ىسكە اسىرۋ ماقساتىندا 2015-2016 جىلدار ارالىعىندا G-Global حالىقارالىق حاتشىلىعى «جاسىل» ەكونوميكانى قولداۋ مەن G-Global-دى دامىتۋ كواليتسياسى» زتب-مەن بىرىگىپ, جاسىل تەحنولوگيالار ورتالىعىن اشۋ تۋرالى باستاما كوتەرگەن بولاتىن. بۇگىنگى تاڭدا ەلىمىزدە وسىنداي 7 بىرەگەي ورتالىق قىزمەت ەتەدى. ولار اقمولا, الماتى, جامبىل, قاراعاندى, قوستاناي, پاۆلودار, سولتۇستىك قازاقستان وبلىستارىندا ورنالاسقان. كەشە ورتالىق كوممۋني- كاتسيالار قىزمەتىندە وتكەن ءباسپاسوز ءماسليحاتىندا «جاسىل» ەكونوميكانى قولداۋ مەن G-Global-دى دامىتۋ كواليتسياسى» زتب باسقارما ءتورايىمى سالتانات راقىمبەكوۆا مەن وڭىرلەردەگى جتو جەتەكشىلەرى ورتالىقتاردىڭ باستى ماقساتتارى مەن اتقاراتىن نەگىزگى قىزمەتتەرى جايلى اڭگىمەلەدى. باسقارما ءتورايىمىنىڭ ايتۋىنشا, ءبۇ­گىنگى تاڭدا كواليتسيا – قازاقستاننىڭ جا­سىل ەكونوميكاعا كوشۋى جونىندەگى تۇ­جىرىمداماسى مەن «جاسىل كوپىر» ءارىپ­تەستىك باعدارلاماسىن ىسكە اسىرۋعا, سون­داي-اق, ەكسپو-2017 حالىقارالىق كور­مەسىن وتكىزۋگە قولداۋ كورسەتۋگە با­عىت­تالعان «جاسىل» باستامالار مەن جو­با­لاردىڭ اۋقىمدى جۇگىن ارقالاعان ەلى­مىز­دەگى جەتەكشى قوعامدىق ۇيىم. «2015-2016 جىلداردىڭ وزىندە «جاسىل» ەكونوميكانى قولداۋ مەن G-Global-دى دامىتۋ كواليتسياسى ەلى­مىز­­دە 20 مىڭ ادامدى قامتىعان 100-دەن اسا ءىس-شارا ۇيىمداستىردى», دەدى س.را­قىم­بەكوۆا. العاشقى جاس تەحنولوگيالار ورتا­لى­عى 2015 جىلى قىركۇيەك ايىندا ارشالى اۋدانىنىڭ ارناساي اۋىلىندا اشىلعان بولاتىن. ونىڭ باسشىسى تاتيانا نەمتساننىڭ ايتۋىنشا, بۇگىنگى كۇ­نى اتالعان ورتالىق قابىرعاسىندا ەل­دىڭ بارلىق وڭىرلەرىنەن, سونداي-اق, شەتەل­دەن كەلگەن قاتىسۋشىلار ءۇشىن ءبىلىم الۋ­عا مۇمكىندىك بار. «مۇندا قاتىسۋشىلار 35 «جاسىل» تەح­نولوگيانىڭ ىسكە اسىرىلۋىمەن تانىسا الادى. 2015-2016 جىلدار ارالىعىندا بار­لىعى 4000-نان استام ادام ءبىلىم ال­دى», دەپ اتاپ ءوتتى ت.نەمتسان. 2016 جىلى الماتى وبلىسىنىڭ قاراساي باتىر اۋدانىندا «EcoFermer» ءبىلىم ورتالىعى» جشس-مەن بىرلەسكەن «EcoFermer» شارۋا قوجالىعى بازاسىندا اتتاس جاسىل تەحنولوگيالار ورتالىعى اشىلعان بولاتىن. «مۇندا فەرمەرلەر, ساياجاي يە­لە­رى, جىلىجاي جۇمىسكەرلەرى, اۋىل تۇر­عىن­دا­رى وقۋ كۋرستارىنان وتەدى. اتالعان ور­تالىقتى قۇرۋداعى ماقسات – ادامزات پەن تا­بيعاتقا زالال كەلتىرمەي, شىعىنداردى قىس­قارتىپ, تابىستى ارتتىرا وتىرىپ, «جاسىل» تەحنولوگيالاردىڭ جۇمىسىن ءتا­جىريبە جۇزىندە كورسەتۋ. مۇندا بيو­گ­ازدى جابدىقتار, كۇن ەنەرگەتيكا­سى, كاليفورنيالىق قۇرتتاردىڭ كو­مە­گى­مەن ورگانيكالىق قالدىقتاردى قاي­تا وڭدەۋ جاب­دىقتارى ورناتىلعان. جتو قىز­مە­تى­نىڭ نەگىزگى باعىتتارى: ەكو­قۇ­­رىلىس, با­­­لامالى ەنەرگيا كوزدەرى, فەر­مەرلىك, مال شارۋاشىلىعى, ءوسىم­دىك شا­رۋا­شى­لى­عى, ومارتاشىلىق, بيو­با­قى­لاۋ جانە تا­عى باسقالارى», دەپ مالىمدەدى «EcoFermer» جتو جەتەكشىسى دەنيس تەن. 2016 جىلعى 1 قىركۇيەكتەن باستاپ قوستاناي قالاسىندا «زولوتوي فازان» كەرۋەن سارايىنىڭ دەمالىس بازاسىندا «جاسىل تاجىريبەلەر القاسى» قوعامدىق بىرلەستىگىنىڭ ءبىلىم تاراتۋ ورتالىعى ءوز جۇمىسىن باستادى. «بۇگىنگى تاڭدا اتالعان دەمالىس بازاسى قوستاناي وبلىسىنداعى جاسىل تەح­نو­لوگيالاردى تاراتۋ مەن قول­دا­نۋ­دىڭ سى­­ناق الاڭى بولىپ تابىلادى. «جا­سىل ءتا­­جىريبەلەر القاسى» قوعامدىق ءبىر­لەس­تى­گى­نىڭ باستى ماقساتى وڭىردە جاسىل ەنەر­گيا­نى ەنگىزۋ مەن دامىتۋدىڭ تۇ­راق­تى اي­ماعىن قۇرۋ بولىپ تابىلادى», دەپ اتاپ ءوتتى قوستاناي وبلىسى بويىنشا جتو جەتەكشىسى گالينا شنايدەر. ايدار ورىسباەۆ, «ەگەمەن قازاقستان»