اۋىل شارۋاشىلىعى ەكونوميكا درايۆەرىنە اينالۋى ءتيىس

كەشە پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆتىڭ توراعالىعىمەن ۆەدومستۆونىڭ كەڭەيتىلگەن القا وتىرىسى ءوتتى. وندا مەملەكەت باسشىسى نۇرسۇلتان نازارباەۆتىڭ حالىققا ارناعان كەزەكتى جولداۋىندا جۇكتەگەن تاپسىرمالارىن جۇزەگە اسىرۋ جولدارى مەن اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان باعدارلاماسى تالقىلاندى. ويتكەنى, باس قۇجاتتا سالانى ەل ەكونوميكاسىنىڭ جاڭا درايۆەرىنە اينالدىرۋ جونىندە ناقتى مىندەتتەر قويىلعان. جيىندا ءبىرىنشى ۆيتسە-مينيستر قايرات ايتۋعانوۆ بايانداما جاساپ, وتكەن جىلعى كورسەتكىشتەرگە توقتالدى. بىلتىر قازاقستاندا 3,6 ترلن تەڭگەنىڭ اۋىلشارۋاشىلىق ءونىمى شىعارىلعان. بۇل سالانىڭ 5,5 پايىزعا ىلگەرىلەگەنىن اڭعارتادى. «2016 جىلى 1,3 ترلن تەڭگەنىڭ ازىق-ت ۇلىك ونىمدەرى ءوندىرىلدى. وسىلايشا سالاداعى كورسەتكىش 4 پايىزعا وسكەن. اسىرەسە, جامبىل وبلىسى 40 پايىزدان استام, قوستاناي وبلىسى 21 پايىزدان استام, اقمولا وبلىسى 10 پايىزعا جۋىق, قىزىلوردا وبلىسى 7 پايىزدان استام ازىق-ت ۇلىك ءونىمىن ورتاق وندىرگەن. الايدا, كەيبىر وڭىرلەردە كورسەتكىش تومەندەگەن. مىسالى, ماڭعىستاۋ وبلىسى – 13,5 پايىز, باتىس قازاقستان وبلىسى – 4,3 پايىز, اتىراۋ وبلىسى – 3,1 پايىز, شىعىس قازاقستان وبلىسى – 1,1 پايىز», دەدى ول. باسقوسۋ بارىسىندا قازاقستاندا ورگانيكالىق ازىق-ت ۇلىك ستاندارتتارى بو­يىنشا نورماتيۆتىك قۇجات قابىلداناتىنى ءمالىم بولدى. «2021 جىلعا قاراي ازىق-ت ۇلىك ونىمدەرى ەكسپورتىن 40 پايىزعا ۇلعايتۋ مىندەتىن شەشۋ ءۇشىن ءاربىر جىلعا ارنالعان ناقتى كورسەتكىشتەر ايقىندالعان. اعىمداعى جىلى ەكسپورت كولەمى 10 پايىزعا ارتادى دەپ كۇتىلۋدە. وسىعان بايلانىستى الەۋمەتتىك ەكسپورتتىق نارىقتار بويىنشا جول كارتاسىن بەكىتۋ جانە ماقساتتى ادىستەردى ءتۇزۋ قاراستىرىلۋدا», دەدى ق.ايتۋعانوۆ بايانداماسىندا. ونىڭ ايتۋىنشا, الەۋەتتى ەكسپورتتىق نارىقتار رەتىندە قىتاي, رەسەي جانە پارسى شىعاناعى ەلدەرى قاراستىرىلۋدا. ول ءۇشىن ازىق-ت ۇلىك كورپوراتسياسىنىڭ قى­زمەتى قايتا ۇيىمداستىرىلعان. بۇدان بولەك, «قازەكسپورتگارانت» ار­قىلى اۋىلشارۋاشىلىق تاۋار­لا­رىن وندىرۋشىلەرگە ەكسپورتتىق كەلى­سىم­­شارتتارمەن ساقتاندىرۋ مەن كەپىل ۇسى­نىلماق. سونىمەن قاتار, ورگانيكالىق ازىق-ت ۇلىك ستاندارتتارى, بيوپرەپاراتتاردى ءوندىرۋ جانە قولدانۋ بويىنشا نورماتيۆتىك قۇجات قابىلدانىپ, قاجەتتى زەرتحانالار قۇرىلادى. اۋىل شارۋاشىلىعى ءمينيسترىنىڭ ءبىرىنشى ورىنباسارى وتكەن جىلى ەلباسى تاپسىرماسىنا سايكەس شاعىن جانە ورتا شارۋاشىلىقتاردى كووپەراتيۆكە تارتۋ جۇمىستارى قولعا الىنعانىن جەتكىزدى. «15 مىڭ جەكە قوسالقى شارۋاشىلىقتى قامتىعان 157 كووپەراتيۆ قۇرىلدى. ولاردىڭ بازاسىندا جۇزدەن استام ءسۇت قابىلدايتىن پۋنكت پەن 7 مىڭ وتباسىلىق بورداقىلاۋ الاڭى ۇيىمداستىرىلدى. تولىقتاي العاندا, ينديكاتيۆتى جوسپارلار بارلىق وبلىستار بويىنشا ورىندالدى», دەدى ول. ۆيتسە-ءمينيستردىڭ سوزىنە قاراعاندا, اعىمداعى جىلى جەرگىلىكتى اتقارۋشى ورگاندار 410 كووپەراتيۆ قۇراتىن بولادى. «تولىقتاي العاندا الداعى 5 جىلدا كووپەراتيۆتەر قىزمەتىمەن جارتى ميلليون جەكە قوسالقى شارۋاشىلىق پەن شاعىن شارۋاشىلىق قامتىلادى. كووپەراتيۆتەر ونىمدەردى دايىنداۋعا, ساقتاۋعا جانە تاسىمالداۋعا كومەكتەسەدى. بۇعان قوسا, ۆەتەريناريا, مال ازىعىن دايىنداۋ, اگروحيميا جانە ءوز مۇشەلەرىنە نەسيە بەرۋدە جاردەمدەسەدى. جالپى, كووپەراتيۆتەر اۋىلداردىڭ ودان ءارى دامۋىنىڭ نەگىزى بولۋى ءتيىس», دەدى ق.ايتۋعانوۆ. اسحات رايقۇل, «ەگەمەن قازاقستان»