«ەۋرازيا اپتالىعى» فورۋمى ەكسپو الاڭىندا وتەدى

3 ناۋرىز كۇنى پرەمەر-ءمينيستردىڭ ءبىرىنشى ورىنباسارى اسقار مامين ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. كۇن تارتىبىندە 24 ماسەلە قارال­دى. كوميسسيا كەڭەسىنىڭ وتىرىسى بارىسىندا ينتەگراتسيالىق الەۋەتكە يە ەكونوميكا سالاسىنا قاتىستى ماسەلەلەر تال­قىلانىپ, ىشكى نارىق شەڭبەرىندە توس­قاۋىلداردى ازايتۋ, سونداي-اق, جىل سايىنعى «انتيكونترافاكت» حالىقارالىق فورۋمىن وتكىزۋدى ۇيىمداستىرۋ ماسەلەلەرى قا­راستىرىلدى. «انتيكونترافاكت» حالىقارالىق فورۋمى ەۋرازيالىق ەكو­نو­ميكالىق وداق شەڭبەرىندەگى پىكىر­تا­لاس الاڭى بولىپ تابىلادى. مۇندا ەاەو-عا مۇشە مەملەكەتتەردىڭ وكىلدەرى, وسى سالاداعى حالىقارالىق ساراپشىلار, بيز­نەس-قاۋىمداستىق پەن عىلىم وكىل­دەرى ەاەو بىرىڭعاي نارىعىن قورعاپ, ءون­دىرىستىك ءونىمنىڭ زاڭسىز اينالىمى مەن زيا­تكەرلىك مەنشىك قۇقىعىن قامتاماسىز ەتۋ ماسەلەلەرىن تالقىلايدى. كووپەراتيۆتى ىنتىماقتاستىقتىڭ ءوزا­را ءتيىمدى باعىتتارىنىڭ تىزبەگى انىق­تال­دى. ول ونەركاسىپتى وڭدەۋ سالالارىندا كووپە­را­­تيۆتىك جوبالاردى جاساۋعا ىنتالان­دى­را­دى. وتىرىس بارىسىندا ەەك كەڭەسىنىڭ ءمۇ­شەلەرى ۇستىمىزدەگى جىلعى تامىز ايىندا ەكسپو-2017 كورمەسى اياسىندا «ەۋرازيا اپ­­تالىعى» فورۋمىن وتكىزۋ تۋرالى شەشىم ق­ا­­­بىلدادى. فورۋم ەاەو ەلدەرى ۇكىمەتى, بيز­­نەس جانە حالىقارالىق ساراپشىلار ءۇشىن وداققا مۇشە ەلدەردىڭ ەكونوميكاسىن دا­­مىتۋداعى وزەكتى ماسەلەلەردى تالقىلاپ, ست­راتەگيالىق شەشىمدەردى ازىرلەۋگە ار­نا­ل­عان الاڭعا اينالماق. ەەك وتىرىسىندا ەۋرازيالىق ەكو­نو­مي­كالىق وداقتى ءارى قاراي دامىتۋعا با­عىت­تال­عان بارلىق ماسەلەلەر بويىنشا ءوزارا ءتيىمدى شەشىمدەرگە قول جەتكىزىلدى.