قۇقىقتىق مەملەكەتتىڭ ءبىر ايعاعى

  بۇگىنگى وتىرىستا مەن­شىك قۇقىعى ماسەلە­­سى وتە جاقسى كوتەرىلدى. اسىرەسە, وزگە ەلدەردەن ينۆەس­تور­لاردى تارتۋ ماقساتىندا جاسالعان ماڭىزدى قادام بولاتىن. شەتەلدىكتەر كوبىنە مەنشىكتىك قۇقىققا ايرىقشا ءمان بەرەدى. بالكىم, بۇل دەر كەزىن­دە جاسالماعان شىعار, بىراق مەملە­كە­تىمىزدىڭ وزىندىك باعىتىن ايقىنداعانى ەرەكشە ۇنادى. دەگەنمەن, بۇل جەردە حالىق باسقا قىرىنان الىپ تالقىلادى. سونىمەن قاتار, ءبىر ايتا كەتەر­لىگى, پرەزيدەنتتىڭ مەملەكەت باس­قارۋ ىسىندەگى بىلىكتىلىگى جانە وزىنە بەرىلگەن بيلىكتى وتە ءتيىمدى جانە حالىقتىڭ يگىلىگىنە پايدالانا الۋى, سول ارقىلى بيلىكتىڭ بەدەلىن كوتەرۋى ۇكىمەت پەن پارلامەنتكە ۇلگى بولىپ, بي­لىكتىڭ وزگە تارماقتارى دا پرە­زيدەنتتىڭ قىزمەت ەت­كەنىن­دەي قىزمەت ەتە السا, ءبىز­دىڭ بولاشاعىمىزدىڭ جار­قىن بولارى ءسوزسىز. ونىڭ ۇستىنە, قازىر الەمنىڭ كەي ەلدەرىندە مەملەكەت باس­شىسىنىڭ وكىلەتتىكتەرى كەرى­سىنشە ارتىپ جاتىر. ال ءبىز ءبىر قالىپقا ءتۇسىپ, جۇيەلى دامۋدى بەتكە ۇستاعاندىقتان, قازىرگى كەزدە پرەزيدەنتتىڭ ءوزىنىڭ وسى ۇسىنىسى­مەن بيلىكتىڭ باسقا ينستيتۋتتارىنىڭ, اتاپ ايتار بولساق, اتقارۋشى جانە زاڭ شىعارۋشى بيلىكتىڭ ءرولى مەن جاۋاپكەرشىلىگى كۇشەيتىلۋدە. بۇل ەلدەگى قابىلداناتىن زاڭداردىڭ ساپاسى مەن ولاردىڭ اتقارىلۋىندا حالىققا قىزمەت ەتۋدىڭ جاڭا ءبىر بەلەسى بولماق. بۇل – ءبىزدىڭ كونستيتۋتسيامىزدا كورسەتىل­گەن قۇقىقتىق مەملەكەت ەكەندىگىنىڭ ءبىر ايعاعى. سۆەتلانا بىچكوۆا, پارلامەنت ءماجىلىسىنىڭ دەپۋتاتى