جاۋاپكەرشىلىك تەتىگى نىعايادى

قازىرگى تاڭدا قولعا الىنىپ جاتقان وزگەرىستەر – بۇل ماڭىزدى, تاريحي جاعداي. سەبەبى, پرەزيدەنت ءوزىنىڭ وكىلەتتىگىن ۇكىمەت پەن پارلامەنتكە بەرۋگە نيەت تانىتىپ وتىر. سول ارقىلى جاۋاپكەرشىلىك جۇكتەلمەك. ونىڭ ىشىندە پارلامەنت ءماجىلىسىنىڭ وكىلەتتىگىن ارتتىرۋ ارقىلى دا ۇلكەن جاۋاپكەرشىلىك جۇكتەلىپ وتىر. سەبەبى, زاڭ نورمالارىنىڭ يگىلىگىن ەڭ الدىمەن, حالىق كورۋى ءتيىس. ول ءۇشىن حالىقتىڭ ءوزى سايلاعان پارلامەنت دەپۋتاتتارى ءوز جۇمىستارىن بەلسەندى ءارى ايرىقشا ىجداعاتتىلىقپەن اتقارا ءبىلۋى قاجەت. بۇعان قوسا, پارلامەنت ۇكىمەتتىڭ جۇمىسىنا باقىلاۋ جۇرگىزەتىن بولادى. ماسەلەن, ۇكىمەتتى جاساقتاۋ, مينيسترلەردى تاعايىنداۋ, ۇكىمەت قابىلداعان مەملەكەتتىك باعدارلامالاردىڭ دەر كەزىندە ءارى ناتيجەلى ورىندالۋىن قاداعالاۋ سەكىلدى ماسەلەلەر مەملەكەت ءۇشىن, حالىق ءۇشىن ايرىقشا ماڭىزدى. جالپى, بۇل كونستيتۋتسيالىق رەفورما ەلىمىزدەگى بيلىك تارماقتارىنىڭ تەتىگىن كۇشەيتۋ ارقىلى مەملەكەتىمىزدىڭ ساياسي جۇيەسىن دەموكراتيالاندىرۋعا, ونى العا قاراي ىلگەرىلەتۋگە سەپ بولارى انىق. باقتيار ماكەن, پارلامەنت ءماجىلىسىنىڭ دەپۋتاتى