پارتيالار باسەكەلەستىگى ارتادى

ارقاشان حالىقتىڭ مۇددەسى جولىندا, بيزنەستى قولداۋ باعى­تىن­دا قىزمەت ەتىپ جۇرگەن «اق جول» پارتياسى كونستيتۋتسيالىق وزگەرىستەرگە قاتىستى ءوزىنىڭ 18 ناقتى ۇسىنىسىن دايىنداپ, جۇمىس توبىنا جىبەرگەن بولاتىنبىز. ەگەر بۇل وزگەرىستەر جۇزەگە اسسا, بيلىك تارماقتارىنىڭ وكىلەتتىلىك قۇزى­رەتى كۇشەيىپ, ۇكىمەت پەن پارلامەنتتىڭ جاۋاپ­كەرشىلىگى ارتاتىن بولادى. مۇنداي رەفور­مالاردىڭ ارقاسىندا ساياسي پارتيالاردىڭ اراسىنداعى باسەكەلەستىك تە ارتادى. بۇل – وتە ماڭىزدى. جالپى, ەلباسى وسى اۋقىمدى رەفورما شەڭبەرىندە بىرقاتار وكىلەتتىگىن بيلىكتىڭ ءتۇرلى تارماقتارىنا بەرۋدى ۇسىندى. بۇل – مەملەكەت تاريحىنداعى ەرەكشە جاعداي. سەبەبى, بيلىك تارماقتارىنىڭ الەۋەتىن كەڭەيتۋ ارقىلى ولار­دىڭ حالىق الدىنداعى جاۋاپ­كەر­شىلىگىن ارتتىرۋدى كوزدەپ وتىر. «اق جول» پارتياسى پرەزي­دەنت­تىڭ بۇل تاريحي شەشى­مىن قۋاتتايدى. پارلامەنت دەپۋتاتتارى دا ءوز كەزەگىندە بۇل شەشىمدى جان-جاقتى وي ەلەگىنەن وتكىزىپ, قولداۋ ءبىلدىردى. سەبەبى, بۇل – بيلىك تارماقتارى جۇيەسىن جان­داندىرۋعا سەپ بولاتىن ۇدەرىس. ال ول ەكو­نوميكانى دامىتۋدى, حالىقتىڭ ءال-اۋقاتىن ارتتىرۋدى, پارلامەنت پەن ۇكى­مەتتىڭ قوعام الدىنداعى اشىقتىعىن قام­تاماسىز ەتۋدى قاراستىرادى. ازات پەرۋاشەۆ, پارلامەنت ءماجىلىسىنىڭ دەپۋتاتى