جارقىن بولاشاق كەپىلى

تاۋەلسىزدىك­تىڭ ال­عاش­قى جىل­دارى ەل­­دىڭ تۇتاس­تىعىن قام­تاماسىز ەتۋ ءۇشىن پرەزيدەنتتىك ينس­تيتۋتتىڭ ءمۇم­كىندىكتەرىن تۇراقتاندىرۋ قاجەت بولدى. ويتكەنى, ۋاقىتتى تەك پىكىر­تالاس­پەن وتكىزبەي, قوعامنىڭ دامۋىنا قا­جەت­تى, ەلدىڭ بولاشاعى ءۇشىن ماڭىزدى رەفور­مالار جۇرگىزۋ كەرەك ەدى. سول كەزدە پرە­زي­دەنتتىڭ جاساعان رەفورمالارىنا حالىق ءبىراۋىزدان قولداۋ كورسەتتى. سوندىقتان, ۋاقىت جوعالتپاي سول رەفورمالار دەرەۋ ىسكە اسىرىلىپ, ءتيىمدى جۇرگىزىلدى. ەندى پرەزيدەنتتىڭ ۇسىنعان جوباسى بويىنشا كەي وكىلەتتىكتەر ۇكىمەت پەن پارلامەنتكە بەرىلىپ وتىر. ويتكەنى, ەلدەگى ورىندالۋى كەنجەلەپ جاتقان جۇمىستار مەن اتقارىلىپ جاتقان ىستەردى پرەزيدەنتكە تەلىمەي, كەرىسىنشە, پرەزيدەنت حالىقتىڭ بۇكىل تالابىن ەسكەرە وتىرىپ ەلىمىزدىڭ مۇمكىندىكتەرىن ارتتىرۋى كەرەك. وسى ورايدا, ۇكىمەت پەن پارلامەنتتىڭ جۇمىس ىستەۋ قابىلەتتەرىن ارتتىرۋ كوزدەلگەن. بۇگىن پارلامەنت پەن ۇكىمەتكە بەرىلىپ وتىرعان وكىلەتتىكتەر ەلدىڭ ەرتەڭىنە جۇمىس ىستەيتىنىنە ءبىز كامىل سەنەمىز. بۇل ءبىر جاعىنان ەلىمىزدەگى ازاماتتىق قوعامنىڭ بەلسەندىلىگىن ارتتىرۋعا وڭ ىقپال ەتەدى. الىسقا بارماي-اق, بۇگىنگە دەيىن وسى جوبا اياسىندا كەلىپ تۇسكەن التى مىڭ ۇسىنىستىڭ ءوزى ءبىزدىڭ قوعامنىڭ بەلسەندىلىگىن كورسەتەدى. ەشكىم دە بەي-جاي قاراپ وتىرعان جوق. بۇل حالىقتىڭ بۇگىنگى بەلسەندىلىگى مەن ەرتەڭگى كۇنگە دەگەن جاۋاپكەرشىلىگىن سەزىنەتىندىگىنىڭ كورسەتكىشى. قۋانىش سۇلتانوۆ, پارلامەنت ءماجىلىسىنىڭ دەپۋتاتى