ۇكىمەتتىڭ جاۋاپكەرشىلىگىن جوعارىلاتاتىن رەفورما

  پرەزيدەنتتىڭ كەي قۇزىرەتتەرىنىڭ زاڭ شىعارۋشى ورگانعا بەرىلۋى پارلامەنتتىڭ ءرولىن كۇشەيتەدى جانە ۇكىمەتكە ەكونوميكانى باسقارۋ, ياعني مەملەكەتتىك باعدارلامالاردى بەكىتۋ, ونىڭ ورىندالۋىن قامتاماسىز ەتۋ فۋنكتسياسى بەرىلەتىن بولادى. وسى ارقىلى ۇكىمەتتىڭ پارلامەنتكە ءوزى­نىڭ اتقارىپ جاتقان جۇمىستارى تۋرالى ەسەپ بەرۋى زاڭ شىعارۋشى ورگانداردىڭ اتقارۋشى بيلىك جۇمىسىنىڭ ساپاسىنا باقىلاۋ جاساۋىنا مۇمكىندىك بەرمەك. مەنىڭ ويىمشا, بۇل ۇكىمەتتىڭ حالىق الدىنداعى, پارلامەنت الدىنداعى جاۋاپكەرشىلىگىن ارتتىراتىن بولادى. سونىمەن قاتار, پارلامەنتتىڭ جالپى باقىلاۋ فۋنكتسياسىن كەڭەيتۋگە ءوز اسەرىن تيگىزەدى. ويتكەنى, ۇكىمەت پارلامەنتكە ءوزىنىڭ شەشىمدەرى تۋرالى, نەگىزگى باعىتتارى تۋرالى بايانداپ وتىرادى. سول كەزدە دەپۋتاتتار ۇكىمەت شەشىمدەرىنە تۇزەتۋ ەنگىزۋگە مۇمكىندىك الادى. بۇل جالپى ەلىمىزدىڭ دامۋىنا وڭ اسەرىن تيگىزەتىن بولادى. نۇرتاي سابيليانوۆ, پارلامەنت ءماجىلىسىنىڭ دەپۋتاتى