اتىراۋ قالاسىندا بۇكىلالەمدىك بوكس سەرياسىنىڭ (WSB) كەزەكتى ماۋسىمىندا «استانا ارلاندارى» مەن «قىتاي ايداھارلارى» اراسىنداعى كەزدەسۋ وتەدى. وسىعان وراي بۇگىن «بايزار» ساۋدا ورتالىعىندا جەكپە-جەكتەر الدىنداعى ءباسپاسوز كونفەرەنتسياسى ءوتتى, دەپ حابارلادى dodasport.kz.
«استانا ارلاندارى» سەكىلدى بوكس كومانداسىنىڭ اتىراۋ جەرىندە سىنعا ءتۇسۋى ۇلكەن جاۋاپكەرشىلىكتى قاجەت ەتەجى. بولاشاق جاس بوكسشىلارىمىز شەبەرلەردىڭ باسەكەسىن ءوز كوزدەرىمەن تاماشالاپ, سولاردان ۇلگى الادى دەپ ويلايمىن. سونىمەن قاتار, قالامىزدا مۇنداي بوكس كەشى بۇرىن-سوڭدى بولمادى», — دەيدى اتىراۋ وبلىسى دەنە شىنىقتىرۋ جانە سپورت باسقارماسىنىڭ باسشىسى ازامات بەكەت.
«استانا ارلاندارى» بوكس كلۋبىنىڭ باس باپكەرى نۇرلان اقۇرپەكوۆ اتىراۋدا دا تالانتتى بوكسشىلار بار ەكەنىن ايتا كەتتى.
«75 كەلى سالماقتا اماندىق ماناشەۆ پەن 60 كەلىدە ەرجان ورداباەۆ جاقسى بوكسشىلار ەكەن. بولاشاقتا وسى جىگىتتەردەن ۇلكەن ناتيجە كۇتۋگە بولادى. كوماندانىڭ ءبىراز بولىگى جاستار. سوندىقتان بارلىعى ءالى الدا», — دەيدى باس باپكەر.
«استانا ارلاندارى» مەن «قىتاي ايداھارلارى» قۇرامى تانىستىرىلىپ, سالماق ولشەۋ ءراسىمى ءوتتى.
49 كگ: تەمىرتاس ءجۇسىپوۆ — دجۋندجۋن حە
56 كگ: ءىلياس سۇلەيمەنوۆ — لونگ ۆانگ
64 كگ: ءدىلمۇرات ميجيتوۆ — يانگ ليۋ
75 كگ: ساپارباي ايداروۆ — مينگانگ جاو
91 كگ: انتون پينچۋك — سەرگەي نوۆيكوۆ.
ايتا كەتۋ كەرەك, بۇل دوداعا كەلگەن قىتاي قۇراماسىنىڭ قاتارىندا مىقتى بوكشىلار بار. مىسالى 75 كەلى سالماقتاعى مينگانگ جاو ريو وليمپياداسىنا قاتىسقان. «ايداھارلار» مەنەدجەرىنىڭ ايتۋى بويىنشا قۇراما تۇگەل دەلىك اسپاناستى ەلىنىڭ چەمپيوندارىنان قۇرالعان.
