جانسايا ابدىمالىك حالىقارالىق جارىستا ءبىرىنشى ورىن الدى

قازاقستاندىق شاحماتشى قىز جانسايا ابدىمالىك ماسكەۋدە وتكەن ايەلدەر اراسىنداعى «اەروفلوت وپەن 2017» فەستيۆالىندە ءبىرىنشى ورىن الدى, دەپ حابارلادى dodasport.kz. «اەورفلوت وپەن 2017» فەستيۆالى 20 اقپان مەن 3 ناۋرىز ارالىعىندا ءوتتى. قازاقستاندىق شاحماتشىنىڭ قارسىلاستارى ەكى حالىقارالىق شاحمات فەدەراتسياسىنىڭ شەبەرلەرى, ەكى حالىقارالىق دارەجەدەگى شاحمات شەبەرلەرى جانە بەس گروسسمەيستەر بولدى. «9 تۋردىڭ قورىتىندىسىندا جانسايا ابدىمالىك التى ۇپاي جيناپ, ەرلەر اراسىندا 15 ورىن, ال ايەلدەر اراسىندا ءبىرىنشى ورىن الدى. تۋرنير قورىتىندىسىنان كەيىن جانسايا ابدىمالىك ايەلدەر اراسىندا الەمدىك رەيتينگتە ۇزدىك 35 شاحماتشىنىڭ قاتارىنا كىرەدى. جاقىن ارادا وتەتىن فيدە پرەزيدەنتتىك كەڭەسىندە شاحماتتان ەرلەرگە بەرىلەتىن حالىقارالىق دارەجەدەگى سپورت شەبەرى اتاعىمەن ماراپتتالاتىن قازاقستانداعى رەسمي ءبىرىنشى قىز بولادى», — دەپ حابارلايدى شاحمات اكادەمياسى. جانسايا ابدىمالىك — قازاقستاندىق شاحماتشى, قىزدار اراسىندا ءتورت دۇركىن الەم چەمپيونى, ايەلدەر اراسىندا حالىقارالىق دارەجەدەگى شەبەر جانە گروسسمەيستەر. 2013 جىلدىڭ قورىتىندىسى بويىنشا قازاقستاندىق سپورتشى قىز فيدە-ءنىڭ ازيالىق فەدەراتسياسىندا ازيادا 20 جاسقا دەيىنگى ۇزدىك شاحماتشى دەپ تانىلعان بولاتىن. 2016 جىلدىڭ جەلتوقسان ايىندا ايەلدەر اراسىندا پولشادا گروسسمەيستەرلەر اراسىندا وتكەن حالىقارالىق تۋرنيردە قازاقستاندىق شاحماتشى ءبىرىنشى ورىن العان.