نەناد ەريچ: «قايراتتى» جەڭۋ ءۇشىن بارىمىزدى سالامىز

«استانا» فۋتبول كلۋبىنىڭ قاقپاشىسى, جاڭا كاپيتانى نەناد ەريچ قازاقستان سۋپەركۋبوگى ءۇشىن  «قايرات» كومانداسىمەن وتەتىن كەزدەسۋ جايلى وي ءبولىستى «ءبىزدى تارتىستى ويىن كۇتىپ تۇرعانى انىق. «قايرات» – مىقتى كوماندا. ويىنشىلارى دا, باس باپكەرلەرى دە ءوز ىستەرىنىڭ ناعىز شەبەرلەرى. ەڭ باستىسى ەرتەڭ اۋا رايى قولايلى بولسا بولدى. ءبىز بارىمىزدى سالۋعا دايىنبىز», – دەدى ەريچ. «قايرات» كومانداسىنىڭ شابۋىل شەبىندە وينايتىن ويىنشىلاردىڭ ءبارى مىقتى. يسلامحان, ارشاۆين, يساەل, گوۋ. ولار مۇمكىندىكتەرىن ءمۇلت جىبەرمەيتىن بىلىكتى جىگىتتەر. سوندىقتان ارقايسىسىنان قاۋىپ كۇتۋگە بولادى. ەرتەڭگى ويىن كىمنىڭ مىقتى ەكەنىن دالەلدەۋگە تاعى ءبىر مۇمكىندىك بەرەدى», – دەدى قاقپاشى. كوماندانىڭ بۇرىنعى كاپيتانى تاڭات نوسەرباەۆ كەتكەننەن كەيىن بۇل مىندەت نەناد ەريچكە جۇكتەلگەن بولاتىن. «قازاقستاننىڭ ءۇش دۇركىن چەمپيونى, چەمپيوندار ليگاسى مەن ەۋروپا ليگاسىنىڭ توپتىق كەزەڭىندە ويناعان ۇجىمنىڭ كاپيتانى بولۋ – زور مارتەبە, ۇلكەن جاۋاپكەرشىلىك. كلۋب باسشىلىعىنىڭ, كوماندا باپكەرلەرىنىڭ, ارىپتەستەرىمنىڭ, جانكۇيەرلەرمىزدىڭ سەنىمىن اقتاپ, ۇجىمدى ىلعي دا العا جەتەلەيتىن بولامىن. «ەلىمىزدەگى ەكى مىقتى شابۋىلشى رەتىندە جەرار گوۋ مەن دجۋنيور كابانانگانى ايتار ەدىم», – دەدى ول.