قوستانايدا ەلىمىزدەگى ەڭ قارت اجەي تۇرادى. بۇگىن 115 جاسقا تولىپ وتىر. عاسىردان دا ۇزاق عۇمىر كەشكەن كەيۋانانىڭ دەنساۋلىعى بىرقالىپتى. وزدىگىنەن ءجۇرىپ-تۇرا الادى. اس ۇيگە ءوز اياعىمەن بارىپ, ءوزى تاماقتانادى. قيمىلى شيراق, ويى سەرگەك, ءتىپتى ءالى كۇنگە دەيىن كىتاپ وقيدى, دەپ حابارلادى tengrinews.kz.
ساناۋلى جىلداردان كەيىن قوستانايلىق مارفۋعا سەلتەتكەنوۆانىڭ ەسىمى گيننەستىڭ رەكوردتار كىتابىنا پلانەتامىزدىڭ «ەڭ قارت تۇرعىنى» ەسەبىندە جازىلۋى مۇمكىن.
اجەي 1902 جىلى, 3 ناۋرىزدا تۋعان. ۇلت-ازاتتىق كوتەرىلىس, سوعىس جىلدارىنىڭ كۋاسى بولعان. كەيۋانانىڭ تۇڭعىش قىزى – 97 جاستا. ول وسكەمەن قالاسىندا تۇرادى. كەلىنى – 93 جاستا. مارفۋعا اجەيدىڭ اناسى 123 جاسىندا دۇنيەدەن وزعان.
ايتا كەتەيىك, گيننەستىڭ رەكوردتار كىتابىنا ەنگەن الەمدەگى ەڭ ۇزاق جاساعان ايەل وساكالىق ميساو وكاۆا جاپون ەلىنەن شىققان.
