جۇمىسسىزدارعا – تەگىن كۋرس

ەلباسىنىڭ حالىققا جولداۋىندا ايتىلعان بارشاعا ارنالعان تەگىن كاسىپتىك-تەحنيكالىق ءبىلىم بەرۋ ماسەلەسى بويىنشا اتىراۋ وڭىرىندە ناقتى جۇمىستار باستاۋ الدى. «APEC PetroTechnic» جوعا­رى كوللەدجىندە «Consolidated Construction Company» كومپانياسى باعدارلاماسىنىڭ بىلىكتىلىكتى ارتتىرۋ كۋرستارى اشىلدى. وقۋ ورتالى­عىن­دا جاستار زامانعا ساي حا­لىق­ارالىق دارەجەدەگى ەلەكتر­­ مامانى, دانەكەرلەۋشى, قۇبىر مون­تاج­داۋشى جانە ۇستا ما­مان­دىقتارىن تەگىن مەڭگەرەدى. بۇل ءوز كەزەگىندە مۇناي-گاز سالا­سىن­داعى جوبالاردا بىلىكتى وتان­دىق ماماندار قاتارىن كو­بەيتۋگە مۇمكىندىك بەرەدى. «سسس» كومپانياسىنىڭ پرەزيدەنتى سامەر حۋريدىڭ ايتۋىنشا, وقىتۋ بارىسىندا ماماندار وندىرىستىك قاۋىپسىزدىك باعىتىنداعى حالىقارالىق تاجىريبەلەرمەن بولىسەدى. ال ۇزدىك ءبىتىرىپ شىققان جاستار كومپانيانىڭ شەت ەلدەردەگى ءىرى حالىقارالىق قۇرىلىس نىساندارىندا سىناقتان وتەدى. وقىتۋ كۋرستارى ءتورت ايعا سوزىلادى. جوبا اياسىندا جۇزدەن استام ازامات بەس توپتا بىلىكتىلىكتەرىن ارتتىرىپ, حالىقارالىق دارەجەدەگى سەرتيفيكات يەلەنبەك. – بيىل وبلىس بويىنشا مەملەكەت تاراپىنان 500 جۇمىسسىز كاسىپتىك-تەحنيكالىق باعىتتا وقىتىلادى, – دەيدى وبلىستىق جۇمىسپەن قامتۋ جانە الەۋ­مەتتىك باعدارلامالار باسقار­ماسىنىڭ باسشىسى ەركىن شپانوۆ. باقىتگۇل باباش, «ەگەمەن قازاقستان» اتىراۋ