نازارباەۆ بانك سەكتورىن ساۋىقتىرۋعا ۇلتتىق قوردان 1 ترلن تەڭگە ءبولدى

قر پرەزيدەنتى نۇرسۇلتان نازارباەۆ بانك سەكتورىن ساۋىقتىرۋ ۇشىن ۇلتتىق قوردان اقشا ءبولۋ تۋرالى قاۋلىعا قول قويدى, - دەپ حابارلايدى kaz.tengrinews.kz. قۇجات قر نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسى "ادىلەت" پورتالىندا جاريالاندى. "قاۋلى ەتەمىن: قازاقستان رەسپۋبليكاسىنىڭ ۇلتتىق قورىنان بانك سەكتورىن ساۋىقتىرۋ ۇشىن رەسپۋبليكالىق بيۋدجەتكە 2017 جىلعا 1 ء(بىر) تريلليون 92 (توقسان ەكى) ميلليارد 941 (توعىز ءجۇز قىرىق ءبىر) ميلليون 288 (ەكى ءجۇز سەكسەن سەگىز) مىڭ 400 ء(تورت ءجۇز) تەڭگە ءبولۋ", - دەلىنگەن قر پرەزيدەنتىنىڭ قاۋلىسىندا. سونداي-اق, قۇجاتتا قاۋلىنىڭ وعان قول قويىلعان كۇننەن باستاپ جۇزەگە اسىرىلاتىنى ايتىلادى. ايتا كەتەيىك, اقپان ايىنىڭ ورتاسىندا قر ۇلتتىق بانكىنىڭ توراعاسى ولەگ سمولياكوۆ ۇكىمەتتەگىلەردىڭ بانكتەگى نەسيەلەردىڭ پروبلەماسىن شەشۋ ءۇشىن ەكى تريلليون تەڭگە ءبولۋ تۋرالى شەشىمىن ايتقان بولاتىن. ال قاڭتار ايىنىڭ سوڭىندا قازاقستان پرەزيدەنتى جىل سايىنعى جولداۋىندا ەلىمىزدەگى قارجى سەكتورى جۇمىسىن ساۋىقتىرۋ قاجەتتىگىن ايتقان ەدى.