حالىق مۇددەسىمەن ۇندەسەدى

ەلباسىنىڭ مەملەكەتتىك بيلىكتىڭ تارماقتارى اراسىندا وكىلەتتىكتەردى ءبولۋ ماسەلەلەرى جونىندەگى ۇندەۋىندەگى قازاق­ستان رەسپۋبليكاسى كونس­تي­تۋتسيا­سى مەن زاڭدارىنا ءوز­گەرىس­تەر ەنگىزۋ تۋرالى ۇسى­نىستار جۇرتشىلىق تاراپىنان كەڭ قولداۋ تاۋىپ, ساياسي ماڭىزى زور تالقىلاۋعا رەس­پۋبليكا تۇرعىندارى بەلسەنە اتسالىستى. اتا زاڭىمىزدىڭ 23 بابىنا وزگەرىستەر ەنگىزىلەتىن بولدى. بۇل تۋرالى بيلىك تارماق­تارى اراسىنداعى مەملەكەت­تىك وكى­لەت­تىكتەردى قايتا ءبولۋ ءجونىن­دەگى جۇمىس توبىنىڭ كەزەك­تى وتىرىسىندا مەم­لەكەت باسشى­سى اتاپ كورسەتتى. ەڭ باستى­سى, قازاق­ستاننىڭ نەگىزگى ساياسي مودەلى ساقتالىپ, پرەزيدەنت­تىك رەس­پۋبليكا بولىپ قالا بەرەدى. ەلىمىزدىڭ الەمنىڭ وركەنيەت­تى وتىز ەلىنىڭ قاتارىنا كىرۋ باعى­تىنداعى دەموكراتيالىق قادامدارى, زور ەكونوميكالىق الەۋەتى كۇشتى پرەزيدەنتتىك بيلىك ارقىلى قالىپتاسقانى تالاسسىز شىندىق. ويتكەنى, ەگەمەندىك­تىڭ ەلەڭ-الاڭ شاعىنداعى اۋىر كەزەڭدەردەن ءمۇدىرىسسىز ءوتۋ ءۇشىن جۇرتشىلىقتى جۇدىرىق­تاي جۇمىلدىرىپ, ورتاق ارناعا تىعىز توپتاستىرا الاتىن بيلىك كۇشى قاجەت ەدى. وسى ورايدا, قازاقستاندا كاسىبي ۇكىمەتتىڭ, قۋاتتى پارلامەنتتىڭ, تاۋەلسىز سوتتىڭ قۇرىلۋىنا, جاس مەملە­كەتتىڭ ەڭسەسىن تىكتەپ, بەيبىت­شىلىك­تىڭ, تۇراقتىلىقتىڭ, ءبىر­لىك­تىڭ قامتاماسىز ەتىلۋىنە پرە­زي­دەنتتىك بيلىك ولشەۋسىز اسەر ەت­كەنىن ايتا كەتكەن ءجون. قازىر ۋاقىت مۇلدەم باسقا. قازاقستان ءوز دامۋ جولىن انىق­تاپ, حالىقارالىق ارەنادا بەدەل­دى مەملەكەتكە اينالدى. زور ساياسي, الەۋمەتتىك وزگەرىستەر­گە قول جەتكىزدىك. ەندى, مىنە, ەلباسى قازاقستاندىقتاردىڭ نازا­رى­نا ەلىمىز ءۇشىن اسا تاع­دىرلى, ماڭىزدى ماسەلەنى ۇسىنىپ, بۇكىلحالىقتىق قول­داۋعا يە بولدى. مەملەكەت­تىڭ باسقارۋ جۇيەسىن جاڭعىرتۋ­دىڭ وزەكتىلىگىن العا تارتا وتى­رىپ, پرەزيدەنت­تىڭ الەۋمەت­تىك-ەكونوميكالىق ۇدەرىستەر­دى رەتتەۋدەگى ءبىرشاما وكىلەتتىك­تەر­دى ۇكىمەتكە, باسقا دا ورگان­دارعا بەرۋ, سونىمەن قاتار, پار­لامەنت ءرولىن كۇشەيتۋ جونىندە ۇسىنىستار جاساعانىن بىلەمىز. ەكى باعىتتا جۇرگىزى­لەتىن رەفور­مالار مەملەكەتتىڭ كاسىبيلىگىن ارت­تىرۋمەن قاتار, ءار بيلىكتىڭ جاۋاپكەرشىلىگىن دە كۇشەيتەرى ءسوزسىز. مەملەكەتتىك باسقارۋ ءجۇ­يەسى زامان تالابىنا سايكەس بولسا, وكىلەتتىك تە نىعايا تۇسەرى كۇمانسىز. مەنىڭشە, كونستيتۋتسيا­عا وزگەرىستەردىڭ ەنگىزىلۋى بۇگىنگى كۇننىڭ تالابىمەن تولىق ءۇن­دە­­سەدى. ەل باسقارۋدىڭ پرە­زي­­دەنت­تىك جۇيەسى العا قوي­عان مىندەت­تەر­دىڭ ابىروي­مەن ورىندالۋىن تولىق قام­تاماسىز ەتكەنى قازاق­ستان­دىق تاجىريبەدەن بەل­گىلى. كونس­تيتۋتسيالىق رەفورما­عا باي­لانىستى 6 مىڭعا جۋىق ۇسى­­نىس­ ءتۇسىپ, دەپۋتاتتىق كور­پۋس­تىڭ تالاپتارىن كۇشەيتۋ, ۇكىمەت­تىڭ مىندەتتىلىگىن ارت­تىرۋ جونىندەگى وي-پىكىرلەر جۇرت­شى­لىقتىڭ بەلسەندى ساياسي ءىس-ارەكەتىن كورسەتسە كەرەك. ءبىر سوزبەن ايتقاندا, كونس­تيتۋتسيالىق رەفورما قوعام تاراپىنان زور قىزىعۋشىلىق تانىتىپ, دەموكراتيالىق ءۇردىس­تەرگە كەڭ جول اشاتىنىن انىق اڭعارتتى. اراي ءالىموۆ, وبلىس پروكۋرورىنىڭ ورىنباسارى سولتۇستىك قازاقستان وبلىسى