باستامانىڭ قولداۋ تاباتىنىنا سەنىم مول

شىعىس دانالىعىندا ايتىلاتىنىنداي, ۇلى ادام باسقارعان ەل ۇلى جەتىستىكتەرگە جەتەدى. 25 جىل ىشىندە تاۋەلسىز قازاقستان رەسپۋبليكاسىنىڭ دامۋىنا ولشەۋسىز ۇلەس قوسقان پرەزيدەنت نۇرسۇلتان نازارباەۆ وسىنداي باسشى. قازىر قازاقستاندا بار­لى­عى ءوز كەزەگىمەن, رەت-رەتى­مەن جۇزە­گە اسىرىلىپ جاتقا­نىن كورىپ وتىرمىز. سوعان قارا­ماس­تان, ءبىز نۇرسۇلتان نازارباەۆتىڭ بيلىك تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى ءۇن­دەۋىن وقىعان كەزدە قازاق­ستان كوشباسشىسىنىڭ ءوز مەم­­لە­كەتىن الداعى جىلداردا دامىتۋدى كوزدەيتىن جاڭا باس­تاماسىنىڭ ءمان-ماڭى­زىن ءتۇسىن­دىك. ءبىز, حالىق ديپلو­ما­تيا­سىنىڭ وكىلدەرى – «تاجىك­ستان-قازاقستان» دوستىق قوعا­مى­نىڭ مۇشەلەرى قازاقستان رەس­پۋبليكاسى پرەزيدەنتىنىڭ ۇندەۋىنە ءۇن قوسقاندى ءجون كوردىك, سەبەبى, قازاقستاننىڭ ءوسىپ-وركەندەپ, گۇلدەنگەنىنە ارقاشان قۋانا قارايمىز. بۇگىنگى تاڭدا قازاقستان مەملەكەتتىك باسقارۋدىڭ قاعي­داتتى ماسەلەلەرىن شەشۋ ءۇس­تىندە. مەملەكەت باسشىسىنىڭ ءۇن­دەۋىندە پرەزيدەنت وكىلەت­تىگىنىڭ ءبىر بولىگىن بەرۋ ارقىلى زاڭ شىعارۋشى جانە اتقارۋشى بيلىك تارماقتارىن كۇشەيتۋ ماسەلەلەرى ايتىلعان. وسى قادام ارقىلى ەلدىڭ ودان ءارى دامۋىنا كەدەرگى كەلتىرۋى ءمۇم­كىن بوگەتتەردىڭ بارلىعى الىنىپ تاستالادى. پرەزيدەنت سوزىندە كۇشتى پرە­زيدەنتتىك بيلىك 25 جىل ىشىندە ءوزىنىڭ مىندەتىن تابىستى ورىنداعانىنا توقتالدى. ەندى بيلىك قۇرىلىمدارىن نىعايتۋ ءۇشىن پرەزيدەنتتىڭ قىرىققا تارتا وكىلەتتىگى قايتا بولىنبەك. بۇل ورايدا, كونستيتۋتسيا­لىق رەفورمالار باسقارۋ جۇيە­سى­نىڭ تيىمدىلىگىن ارتتىرۋ­عا باعىتتالىپ وتىرعانىن ەرەكشە اتاپ كورسەتۋ كەرەك. 25 جىل ىشىندە قازاقستان نۇرسۇلتان نازارباەۆتىڭ سارابدال باسشىلىعىمەن جاڭا مەملەكەت, جاڭا ەكونوميكا, جاڭا قوعام قۇردى. ەندىگى ۋا­قىت­تا ەلدى ءتيىمدى باسقارۋ جۇيە­­سىن قالىپتاستىرۋ ماق­ساتىن­­دا كونستيتۋتسيالىق رەفور­مالاردى قولعا الىپ وتىر. پرەزي­دەنت ۇندەۋدە: «قازىردىڭ وزىندە ءبىز الداعى كەزەڭ الدىمىزعا مىندەتتى تۇردە كولدەنەڭ تارتاتىن جاھاندىق جانە وڭىرلىك سىن-قاتەرلەرگە قالاي قارسى تۇراتىنىمىزدى ويلاستىرۋعا ءتيىسپىز», دەگەن بولاتىن. بۇل پرەزيدەنت ن.ءا.نازارباەۆتىڭ جاھاننىڭ تامىر سوعىسىن دەر ۋاقىتىندا سەزىپ, زامان تالاپتارىنا جىلدام جاۋاپ قاتا الاتىنىن كورسەتەدى. سونىمەن قاتار, ۇندەۋدە ۇسىنىلعان كونستيتۋتسيالىق رەفورمالار ءبىرىنشى كەزەكتە قازاقستاننىڭ وزىندىك ءتاجى­ريبەسى مەن سۇرانىستارىنا ارقا سۇيەيتىنى تۋرالى اتاپ ءوتىلدى. ءسوز جوق, بۇل رەفورما قازاقستاننىڭ دەموكراتيالىق باعىتتا داميتىنىن كورسەتەدى. ەلدىڭ پارلامەنتى مەن ۇكىمەتىن نىعايتۋ ماقساتىندا پرەزيدەنتتىڭ ءوز وكىلەتتىگىنىڭ ءبىر بولىگىن قايتا ءبولۋدى ۇسى­نۋى بۇرىن-سوڭدى الەمدىك تاجىريبەدە بولىپ كورمەگەن قۇبىلىس. ول قازاقستاندىقتار تاراپىنان ءبىراۋىزدان قىزۋ قولداۋ تابادى دەگەن ويدامىز. قازاقستان تاجىكستان­نىڭ سەنىمدى ستراتەگيالىق ءارىپ­تەستەرىنىڭ ءبىرى بولىپ تابىلادى. ءبىز دوستىق قاتى­ناستاعى قازاق­ستاننىڭ ودان ءارى ءوسىپ-وركەن­دەۋىنە, دەمو­كراتيالى باعىتتا دامۋىنا تىلەكتەسپىز. ءابدۋساتتور نۋراليەۆ, «تاجىكستان-قازاقستان» دوستىق قوعامىنىڭ توراعاسى, پروفەسسور