جاريالىلىقتىڭ ايقىن كورىنىسى

ءار ەلدىڭ دامۋى ونىڭ ينستيتۋتتىق نەگىزدەرىنىڭ بەرىك بولۋىنا بايلانىستى. وسىعان قاتىستى قازىرگى تاڭدا قازاقستاندا كونستيتۋتسيالىق رەفورمالاردىڭ قولعا الىنىپ جاتقانى ءمالىم. بۇل شارالاردىڭ بارلىعىن ەلىمىزدىڭ دامۋ جۇيەسىنىڭ كەلەسى كەزەڭى دەۋگە بولادى. ەلباسى ۇسىن­عان بەس ينس­تيتۋت­تىق رەفور­ما­نىڭ ما­ڭىزدى تار­ماق­تارىنىڭ ءبىرى ەل ەكونوميكاسىن دا­مىتۋدىڭ مودە­لىن جەتىلدىرۋ ماق­ساتىندا ۇكىمەتكە قو­سىم­شا وكىلەت­تىك­تەر بەرۋمەن تىعىز باي­لا­نىستى. بۇل ورايدا, ءبىر­قا­­تار ماڭىزدى وكىلەتتىك پار­لامەنت پەن ۇكىمەت قۇزىرى­نا بەرىل­مەك. ەلباسى جارلى­عى­مەن قۇرىل­عان مەملەكەتتىك بيلىك تار­ماق­تارى اراسىندا وكىلەتتىكتەردى قاي­تا ءبولۋ جونىندەگى جۇمىس توبى جان-جاقتى تالداۋ جۇمىستارىن جۇرگىزىپ, ونىڭ بارىسى جايىندا حالىقتى بارىنشا حاباردار ەتۋدە. اتقارىلىپ جاتقان ءىستى حا­لىقتىڭ اشىق تالقىلاعانى, حالىق تاراپىنان تۇسكەن بارلىق ۇسى­نىستاردىڭ نازارعا الىن­عانى ەلىمىزدە نەگىزگى شە­شىمدەر ازاماتتاردىڭ تا­لاپ, مۇددەلەرىن ەس­كەرە وتى­رىپ قابىل­داناتىنىن كور­سەتەدى. مەملەكەتتىك بي­لىك تار­ماق­تارى اراسىندا وكى­لەت­تىكتەر­دى قايتا ءبولۋ ماسەلەلەرى ءجونىن­دەگى جۇمىس توبىنىڭ قورى­تىن­دى وتىرىسىندا مۇددەلى ۇيىم­دار مەن حالىق تاراپىنان كەلىپ تۇسكەن ۇسىنىستار مەن ەسكەرتۋلەردىڭ اشىق تالقى­لانۋى وسىنىڭ ايعاعى. قازىرگى تاڭدا الەم ەكونو­ميكاسى جاڭا ۇردىسپەن العا جىلجىپ بارا جاتقاندىعىن ەسكەرسەك, ەلىمىزدە قولعا الىنىپ جاتقان بۇل رەفورمالاردى ۋاقىت تالابىنا ساي ءىس-قيمىل دەۋگە بولادى. كونستيتۋتسياعا ەنگىزىلەتىن وزگەرىستەردىڭ ىقپالىن سەزىنۋ الداعى ۋاقىت ەنشىسىندە دەپ ويلايمىن. سونىمەن, ەلىمىز قازىر وتكەن 25 جىلدا اتقارعان ىستەرگە باعا بەرە وتىرىپ, ۋاقىت سۇرانىسىنا ساي العا قويعان ستراتەگيالىق ماقساتتارعا جەتۋ جولدارىن تاعى ءبىر رەت سارالايتىن كەزەڭدى باستان كەشۋدە. مۇنداي ءىس-شارالار تەك ءبىزدىڭ ەلدە عانا ەمەس, الەمنىڭ باسقا مەملەكەتتەرىندە دە قولعا الىنۋدا. الايدا, ءار مەملەكەتتىڭ ونداي شارالاردى جۇرگىزۋىنىڭ وزىنە ساي تەتىگى قالىپتاسقان. ءبىزدىڭ ويىمىزشا, قازىرگى كەزدەگى جۇمىس توبى ۇسىن­عان وزگەرىستەر الداعى ۋاقىت­تا ۇكىمەت پەن پارلامەنتتىڭ جاۋاپ­­كەرشىلىكتەرىن ودان ءارى ارت­تىرىپ, مەم­لە­كەتتىك بيلىكتىڭ كاسىبي دەڭگەيىن جوعا­رى­لاتۋعا وڭ ىقپال ەتەتىنى كۇمانسىز. سەرجان ماديەۆ, «ەكونوميكالىق زەرتتەۋلەر ينستيتۋتى» اق-تىڭ باسقارما توراعاسى