ءاربىر ۇسىنىستىڭ وزىندىك ورنى بار

ەلباسى ن.نازارباەۆ مەم­لە­­كەت­تىك بيلىك تارماقتارى اراسىن­­­داعى وكىلەتتىكتەردى قايتا ءبولۋ ءجونىن­دە قۇرىلعان جۇمىس توبىمەن ونىڭ قورىتىندى وتىرىسىن وتكىزدى, كونس­تيتۋتسيالىق رەفورمالار بويىنشا حالىق تاراپىنان ءتۇسىپ جاتقان ۇسىنىستارمەن تانىستى. ەل ازاماتتارىنان كونستيتۋتسيا­نىڭ 63 بابىنا قاتىستى 6 مىڭعا تارتا ۇسىنىس تۇسكەنى بەلگىلى بولدى. بۇل ۇسىنىستىڭ ارتىندا قوعامنىڭ پىكىرى تۇر. ءاربىر ۇسى­نىستىڭ ءوزى ماڭىزدى. ونىڭ بار­لىعىن جۇيەلەۋ, زاڭنامالىق تۇر­عىدا زەردەلەۋ – ۇلكەن جۇمىس. كونستيتۋتسيا دەگەنىمىزدىڭ ءوزىن قوعامنىڭ بىرلەسە وتىرىپ قابىل­دايتىن ورتاق كەلىسىمشارتى دەپ ءتۇسىنۋ كەرەك. ەلباسىمىزدىڭ كونس­تي­تۋ­تسيالىق كونسەنسۋس تۋرالى ايت­قانى وتە ورىندى. اتا زاڭى­مىزعا قاتىستى ايتىلعان ۇسى­نىس­تار قارا­پايىم ازاماتتار تاراپى­نان دا, بىلىكتى ساراپشىلار تارا­پىنان دا تال­قىلانۋدا. تالقى­لاۋ­لارعا ەلى­مىزدىڭ بارلىق ءوڭىرى اتسالىستى. جالپى, بىرقاتار باپ بويىنشا سايا­ساتكەرلەر ەمەس, زاڭگەرلەر قاۋىمى كوپ پىكىر بىلدىرگەنىن بايقادىم. زاڭگەرلەردىڭ دە پىكىرلەرى ءارتۇرلى. ءوز باسىم حالىقارالىق شارتتاردى, باسقا مەملەكەتتەردىڭ تاجىريبەسىن شولىپ شىقتىم. قازاقستان تاراپى­­نان حالىقارالىق 50 شارت قابىل­داعانبىز. حالىقارالىق شارت­تار ءبىزدىڭ زاڭدارىمىزدان جو­عارى دەڭگەيدە تۇرادى, الايدا, كون­س­تي­تۋتسيانىڭ مارتەبەسى بارلىعىنان دا بيىك. زاڭگەرلەر ماڭىزدى دەگەن ۇسىنىستار بويىنشا ءالى دە جۇمىس جۇرگىزىپ, ءوزارا تالقىلاپ, ءوز وي-پايىمدارىن ايتۋعا ءتيىس. جالپى, كونستيتۋتسيالىق رەفور­مالارعا قاتىستى ۇسىنىستاردى تالقىلاۋعا بۇكىل قوعام اتسالىس­تى. ەكىنشىدەن, تالقىلاۋ كەزىندە زاماناۋي ينتەرنەت تەحنولوگيالار پايدالانىلدى. حالىقتىڭ ۇلتتىق سانا-سەزىمى, قوعامنىڭ دەڭگەيى ايتارلىقتاي وسكەنى بايقالدى. مارات ءباشىموۆ, زاڭ عىلىمدارىنىڭ دوكتورى, پروفەسسور