قازاقستان جان-جاقتى دامىپ كەلەدى

پرەزيدەنت نۇرسۇلتان نازارباەۆتىڭ باستاماسىمەن قولعا الىنعان كونستيتۋتسيا­لىق رەفورمالار مەنىڭ تاڭدانى­سىمدى تۋدىردى. بيلىك تارماق­تارى اراسىندا باسقارۋ وكىلەتتىك­تەرىن قايتا ءبولۋ, پرەزيدەنتتىك ءبىر­قاتار وكىلەتتىكتەردى پارلامەنت پەن ۇكىمەتكە بەرۋ سىندى وزگەرىس­تەر قازاقستاننىڭ ساياسي جۇيەسىن دەمو­كراتيالاندىرۋعا زور ىقپالىن تيگىزەتىنى انىق. نۇرسۇلتان نازارباەۆ – بۇگىنگى قازاقستاننىڭ ارحيتەكتورى. پرە­زيدەنتتىڭ حالىققا ارناعان جول­داۋىن قازاقستاندى جارقىن بولاشاققا باس­تاسام دەگەن ىزگى نيەتىنىڭ كورىنىسى دەپ بىلەمىن. ءبىلىم بەرۋ سالاسىنا ەرەكشە كوڭىل بولگەن قازاقستان ورتالىق ازيا مەملەكەتتەرىنىڭ اراسىندا بولون كونۆەنتسياسىنا ءبىرىنشى بولىپ قوسىلىپ, ەۋروپا ءبىلىم بەرۋ كەڭىستىگىنىڭ 47-ءشى مۇشەسىنە اينالدى. بۇل ۇلت­تىق باعدارلامالاردى ەۋرو­پالىق ستاندارتتارعا تولىقتاي سايكەستەندىرۋگە, بىلىك­تىلىك پەن عىلىمي دارەجەلەر­دىڭ حالىق­ارالىق دەڭگەيدە مويىندا­لۋىن قامتاماسىز ەتۋگە, ەۋروپانىڭ بەلدى ءبىلىم وردالارىمەن ءبىلىم بەرۋ باعدارلامالارىن الماسۋدى جولعا قويۋعا, قازاقستاندىق ستۋدەنتتەردى تانىمال ۋنيۆەرسيتەتتەردە وقىتۋعا مۇمكىندىك تۋعىزدى. تاعى ءبىر اتاپ وتەرلىگى, قازاقستان بالا­مالى ەنەرگەتيكاعا ينۆەستيتسيا سالۋدىڭ ارقاسىندا ەنەرگەتيكا­لىق رەسۋرستاردى ارتاراپتاندىرۋعا مۇددەلى ەكەندىگىن ايقىن تانىتتى. وسىلايشا, قازاقستاننىڭ 2050 جىلعا قاراي جاڭعىرمالى قۋات كوزدەرىنەن الىناتىن ەنەرگيانىڭ ۇلەسىن اسا جوعارى كورسەتكىشكە جەتكىزۋگە دەگەن قۇلشىنىسىن قۋانا قۇپتاعان ءجون. بيىل استانادا وتەتىن ەكسپو-2017 حالىقارالىق مامانداندىرىلعان كورمەسىنىڭ تاقىرىبى دا الەمدىك دەڭگەيدە وزەكتى ەكەنىن اتاپ ءوتۋ كەرەك. 25 جىل ىشىندە قازاقستان تاۋەل­سىز مەملەكەت رەتىندە جان-جاقتى دا­مىدى, ەكونوميكالىق ءوسىم­نىڭ جوعا­رى كورسەتكىشىنە قول جەتكىزدى. تا­بيعي رەسۋرستاردان تۇسكەن تابىس­تىڭ ءبىر بولىگىن حالىقتىڭ ءال-اۋقاتىن, ءبىلىم بەرۋ, دەنساۋلىق ساقتاۋ سالالارىن جاقسارتۋعا, تاعى ءبىر بولىگىن ونەركاسىپتىڭ وڭدەۋشى سەكتورىنا, ەنەرگەتيكا, كولىك, ينفرا­قۇرى­لىم, اۋىل شارۋاشىلىعى سالالارىن, تۇرعىن ءۇي-كوممۋنالدىق شارۋا­شىلىق سالاسىن جەتىلدىرۋگە جۇمسادى. قازاقستان پرەزيدەنتىنىڭ باستاماسىمەن جۇرگىزىلگەن تابيعي رەسۋرستاردان تۇسكەن تابىستى ۇلتتىق قورعا شوعىرلاندىرۋ جونىندەگى ستراتەگيا بولاشاق ۇرپاق ءۇشىن ۇزاق مەرزىمدى ينۆەستيتسيا جانە تۇراقتى دامۋعا كەپىلدىك بەرەتىن بولادى. دجەك ديللون, دەلفت تەحنولوگيالىق ۋنيۆەرسيتەتىنىڭ قۇرمەتتى پروفەسسورى (نيدەرلاند)