استانادا 1 ناۋرىزدان باستاپ حالىققا قىزمەت ەتۋ ورتالىقتارىندا حالىقتى جۇمىسپەن قامتۋ ورتالىعىنىڭ قىزمەتتەرىن الۋعا بولادى, دەپ حابارلادى قالا اكىمدىگىنىڭ رەسمي سايتى.
ەسكە سالا كەتەيىك, پرەزيدەنت نۇرسۇلتان نازارباەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا ۇكىمەتكە ەڭبەك نارىعىن جاڭعىرتىپ, حالىقتى جۇمىسپەن قامتۋ ورتالىقتارىن رەفورمالاپ, بارلىق بوس جۇمىس ورىندارىن قامتيتىن بىرەگەي ونلاين-پلاتفورما قۇرۋدى تاپسىرعان بولاتىن.
كەز كەلگەن ەلوردا تۇرعىنى حالىقتى جۇمىسپەن قامتۋ ورتالىعىندا جۇمىسقا تۇرۋعا جاردەمدەسۋ, بوس جۇمىس ورىندارىن قاراۋ, جۇمىسىزدىقتان مەملەكەتتىك قولداۋ جانە جۇمىسسىز رەتىندە تىركەۋگە تۇرۋ سياقتى قىزمەتتەردى الا الادى.
اتاپ ايتقاندا, حالىقتى جۇمىسپەن قامتۋ ورتالىعىنىڭ ماماندارى دوستىق كوشەسى, 1 مەكەن-جايىنداعى №1 بولىمشەدە, ساتباەۆ كوشەسى, 25 مەكەن-جايىنداعى № 4 بولىمشەدە جانە رەسپۋبليكا داڭعىلى, 43 مەكەن-جايى بويىنشا ورنالاسقان №6 بولىمشەدە وتىرادى. الداعى ۋاقىتتا استانا قالاسىنىڭ بارلىق حقكو-ىندا حالىقتى جۇمىسپەن قامتۋ ورتالىعىنىڭ ماماندارى قىزمەت كورسەتەتىن بولادى.
