ءۇي ءازىر قىمباتتامايدى

ۇلتتىق ۆاليۋتانىڭ نىعايۋى قازاقستاننىڭ تۇرعىن ءۇي نارىعىنا ايتارلىقتاي وزگەرىستەر الىپ كەلەدى دەپ كۇتىلۋدە. ساتىپ الۋشىلاردىڭ بەلسەندىلىگى ارتۋىنا بايلانىستى باسپانا باعاسى ايتارلىقتاي ارزانداۋى مۇمكىن, دەپ جازادى homsters.kz. وتكەن جىلدىڭ جەلتوقسان ايىنان بەرى دوللاردىڭ تەڭگەگە شاققانداعى قۇنى 9 پايىزعا نەمەسە 28 تەڭگەگە تومەندەپ, 341-دەن 314 تەڭگەگە دەيىن جەتكەن. ساراپشىلاردىڭ پىكىرىنشە, مۇنداي جاعدايدا اقشاسىن اقش ۆاليۋتاسىمەن جيناپ وتقان قازاقستاندىقتار جالما-جان جىلجىمايتىن م ۇلىك ساتىپ الا باستايدى. "ۆاليۋتا باعامىنىڭ قۇبىلۋىنىڭ جىلدام بوپ جاتقانى سونشالىق, تۇرعىن ءۇي نارىعىنداعى باعالارعا اسەر ەتىپ ۇلگەرمەي جاتىر. تيىسىنشە, ءۇي باعاسى وزگەرىسسىز. ال, ءۇي الۋعا اقشانى دوللارمەن جيناپ وتىرعان قازاقستاندىقتار جيناعىنىڭ قۇنسىزدانىپ بارا جاتقانىنا الاڭداپ, ەندى دەرەۋ ءۇي الا باستايدى. ماسەلەن, بىلتىر جەلتوقسان ايىندا 50 مىڭ دوللار 17 ميلليون تەڭگە بولسا, قازىر 16 ميلليون تەڭگەگە دەيىن ارزانداپ كەتتى. ال, باسپانا باعاسى بولسا ءالى وزگەرگەن جوق", – دەيدى Homsters.kz پورتالىنىڭ سەرىكتەس ساراپشىسى ماريا رەن. ونىڭ ايتۋىنشا, الداعى ۋاقىتتا جىلجىمايتىن م ۇلىك نارىعىندا باعالار ايتارلىقتاي تومەندەيدى. ويتكەنى, ەكىنشى دەڭگەيلى نارىقتاعى ءۇي ساتۋشىلارى الىگە دەيىن دوللارمەن ەسەپتەسىپ وتىر.