"استانانىڭ" ەڭ جاس ويىنشىسى: باپكەرلەرىمنىڭ ءۇمىتىن اقتاعىم كەلەدى

«استانانىڭ» ەڭ جاس دەبيۋتانتى ءمادي جاقىپباەۆ كومانداداعى العاشقى ويىنىن 15 جاسىندا وتكىزگەن. جاس تالانت كوماندانىڭ جاڭا ماۋسىمعا دايىندىعى جايلى وي ءبولىستى. بۇل تۋرالى fca.kz حابارلادى. «ماۋسىم الدىندا ەكى ۇلكەن وقۋ-جاتتىعۋ جيىنىن وتكىزدىك. ءباا-دە فيزيكالىق دايىندىققا كوڭىل بولسە, تۇركيادا ويىن ۋاقىتىنا كوبىرەك ءمان بەرىپ, جىگىتتەردىڭ ءبىر-بىرىنە ۇيرەنىسۋىنە مۇمكىندىك بەردى», – دەدى ءمادي جاقىپباەۆ. «استانادا» جاستارعا كوبىرەك كوڭىل بولەدى. تيىسىنشە, باپكەرلەر القاسى ماعان قاجەت تاپسىرمالار بەرىپ, سەنىمدىلىگىمدى وياتا ءتۇستى. جاڭا ماۋسىمدا لايىقتى ويناۋ ءۇشىن جاعدايدىڭ ءبارى جاسالدى. ارينە, وڭايعا سوقپاعانى انىق. بىراق قولىمنان كەلگەننىڭ ءبارىن جاساۋ ءۇشىن تىرىسىپ ءجۇرمىن. فۋتبولداعى جولىم ەندى باستالدى. تىنباي دايىندالىپ, بەرىلگەن مۇمكىندىكتەردى ءتيىمدى پايدالانۋىم قاجەت. تاجىريبەسى كوپ ارىپتەستەرىمنەن ۇيرەنەرىم بار», – دەدى جاس تالانت. ەرەكشە ويىنىمەن كوزگە تۇسكەن ول قازاقستان جاستار قۇراماسىنا دا شاقىرتۋ العان. «جاڭادان كەلگەننەن كەيىن كوپ ۋاقىت بەرە قويمادى. مۇنىڭ ءبارى ۋاقىتشا دەپ ۇمىتتەنەمىن. باپكەرلەردىڭ سەنىمىن اقتاعىم كەلەدى», – دەدى ول. ساناۋلى كۇندەردەن كەيىن قازاقستان پرەمەر-ليگاسىنىڭ جاڭا ماۋسىمى دا باستالادى. ال «استانا» ماۋسىمدى ەل سۋپەركۋبوگىندا «قايراتقا» قارسى ويىنمەن اشادى. «ۇجىمداعى جەڭىسكە دەگەن سەنىمدىلىك, ارىپتەستەرىمىزبەن بايلانىسىمىز جوعارى دەڭگەيدە. وسىنىڭ ارقاسىندا جاڭادان قوسىلعان جىگىتتەر تەز ۇيرەنىسىپ كەتتى دەپ ويلايمىن. قازىرگى ۋاقىتتا ويىمىزدىڭ ءبارى الماتىلىقتارعا قارسى ماتچ جايلى. ءوز ويىنىمىزدى كورسەتىپ, قاجەتتى ناتيجەگە قول جەتكىزەمىز دەگەن ۇمىتتەمىن», – دەدى 15 جاستاعى جارتىلاي قورعاۋشى.