«اتىراۋ-اقپارات» جشس ديرەكتورىنىڭ ورىنباسارى تاعايىندالدى

«اتىراۋ-اقپارات» جشس ديرەكتورىنىڭ ورىنباسارى قىزمەتىنە راۋان ءسابيتوۆ تاعايىندالدى, دەپ جازادى atr.kz.  راۋان ءسابيتوۆ 1985 جىلى دۇنيەگە كەلگەن. ءبىلىمى – جوعارى. 2002-2006 جىلدارى ءال-فارابي اتىنداعى قازاق ۇلتتىق ۋنيۆەرسيتەتىنىڭ الەۋمەتتانۋ باكالاۆرى بىلىكتىلىگى مەن اكادەميالىق دارەجەسىن, 2010-2012 جىلدارى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا ماگيسترى بىلىكتىلىگى مەن اكادەميالىق دارەجەسىن العان. 2015 جىلدان بەرى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جۋرناليستيكا جانە ساياساتتانۋ فاكۋلتەتىنىڭ دوكتورانتى. مالايزيا, سلوۆاكيا, وڭتۇستىك كورەيا, تۇركيا ەلدەرىندە عىلىمي تاعىلىمدامادان ءوتىپ, بىلىكتىلىگىن ارتتىرعان. ەڭبەك جولىن 2005 جىلى رەسپۋبليكالىق «انا ءتىلى» گازەتىندە ءتىلشى بولىپ باستاعان. 2008-2009 جىلدارى ارالىعىندا «قازاقستان» ۇلتتىق تەلەراديو كورپوراتسياسىندا رەداكتور-جۇرگىزۋشى, 2010-2011 جىلدارى –  «ساقشى» گازەتىنىڭ باس رەداكتورى, 2012-2013 جىلدارى «حالىق ءسوزى» گازەتى باس رەداكتورىنىڭ ورىنباسارى قىزمەتتەرىن اتقاردى. سوڭعى ەڭبەك ەتكەن ورنى – «قازاقستان-اتىراۋ» تەلەارناسى. مۇندا راۋان ءسابيت ۇلى ديرەكتوردىڭ ورىنباسارى – باس رەداكتورى بولىپ ەكى جىلعا جۋىق قىزمەت ەتتى. بۇعان دەيىن «اتىراۋ-اقپارات» جشس ديرەكتورىنىڭ ورىنباسارى قىزمەتىن اتقارعان وتەگەن امانشا ۇلى ناۋكيەۆ ديرەكتوردىڭ كەڭەسشىسى قىزمەتىنە تاعايىندالدى.