ىشكى كوشى-قوندى جانداندىرۋ قاجەت

«ەگەمەن قازاقستان» گازەتىنىڭ 2017 جىل­عى 21 اقپانداعى سانىندا جۋرنا­ليست قاز­بەك قۇتتىمۇرات ۇلىنىڭ «اۋىل­دى مەكتەپ ساقتايدى. مەكتەپتى كىم ساق­تاي­دى؟» اتتى ماقالاسىن وقىپ, قازاقتى تول­عان­دى­رىپ وتىرعان وزەكتى ماسەلەنى كو­تەر­گەن­دى­گىنە ءتانتى بولىپ, وسى پىكىرىمدى جول­داپ وتىر­مىن. بىردەن ايتايىن, 20 جىلعا جۋىق ۋا­قىت­­تان بەرى گازەتتى جازدىرىپ الامىن. ما­­­ماندىعىم – تاريح ءپانىنىڭ وقىتۋشىسى. مۇن­­داي اشىق ءارى وزەكتى تاقىرىپتى باسىلىم تەرەڭىنەن قوزعاي بەر­مەيتىن. گازەتتە قا­زاقتى, جالپى قازاق­ستان­دىق­ت­اردى الاڭ­دات­­­قان ماسەلەلەردىڭ كوتەرىلە باس­تاعانى مە­نى قۋانتىپ وتىر. بۇرناعى جىلدارى مۇن­­داي ماڭىزدى ماسە­لە­لەرگە جانا­ما ءاتۇس­تى قاراپ, تەرەڭىرەك ءمان بەرە بە­ر­مەي­­تىن. ەڭ باس­تى­سى, ءبىرىنشى بەتتە جا­ريا­لان­باي­تىن. قازبەك باۋ­ى­رىمنىڭ قازاق ءۇشىن اسا ماڭىزدى تاقىرىپتى قوز­عاپ وتىر­­عا­نى مە­نى, جاۋاپكەرشىلىكپەن ايتايىن, مىڭ­­­دا­عان وڭتۇستىكقازاقستاندىقتاردى مازالاپ وتىر­­عان جاعدايدى كوتەرگەنى كوڭىلىمىزگە ءۇمىت وتىن جاقتى. سولتۇستىكتەگى رەسەيمەن شە­­كارالاس اۋ­داندارداعى دەموگرافيالىق جاع­­دايدىڭ الاڭ­داتارلىق ەكەنىن ءبارىمىز ءبى­لەمىز. توقەتەرىن اي­تايىن, ءبىزدىڭ وڭ­تۇس­تىكتە ءار سىنىپتا 30-35 با­لاعا دەيىن وقۋ­شى ۇستاپ وتىرعان سارىاعاش, سايرام, ماق­تاارال جانە شىمكەنت قالاسىندا مەك­­تەپ­­تەر جەتكىلىكتى. ورالمانداردى قويا­يىق, كە­ل­ەتىندەرى كەلىپ ءبىتتى. ىشكى كوشى-قونۋدى جان­دان­دىرايىق دەگىم كەلەدى. ءبىر-ەكى وت­­با­سىنى ەمەس, بىردەن ون-جيىرما جاس وت­با­­سىن كوشىرىپ اپا­رىپ قونىستاندىرۋعا جاع­­دايىمىز جەتەدى. تەك ونى قالاۋمىز كە­­رەك. ەلىمىزدىڭ كەلەشەگىن ءبۇ­گىننەن وي­لاع­انىمىز ابزال. ءتيىستى ءتۇسىندىرۋ جۇ­­مىس­تارىن جۇرگىزسە, بۇل ءىستى ناتيجەلى قول­عا الۋعا بولادى.