قوستانايعا حالىقارالىق قارجى ينستيتۋتتارى كەلەدى

وبلىس ەكونوميكاسىنا ينۆەستيتسيا تارتۋ جۇمىسىنا اسا ءمان بەرىلىپ وتىر. وسىعان وراي وبلىس باسشىلىعى جانە بەلگىلى كاسىپكەرلەردىڭ حالىقارالىق قارجى ينستيتۋتتارى – ازيا دامۋ بانكى, دۇنيەجۇزىلىك بانك, ەۋروپا قايتا قۇرۋ جانە دامۋ بانكى, قازاقستاننىڭ دامۋ بانكى وكىلدەرىمەن كەزدەسۋى بولدى. ماڭىزدى شارانى اشقان وبلىس اكىمى ارحيمەد مۇحامبەتوۆ ارىپتەس قوناقتارعا ءوڭىر ەكونوميكاسىن دامىتۋ ءۇشىن سىرتتان ينۆەستيتسيا تارتۋعا ەرەكشە ءمان بەرىلىپ وتىرعانىن اتاپ ءوتتى. ينۆەستورلار ءۇشىن وبلىستا قولايلى جاعداي بار ەكەندىگىن دە ەسكە سالا وتىرىپ, سوڭعى جىلدارى قول جەتكەن جەتىستىكتەرگە شولۋ جاسادى. وبلىستىڭ ونەركاسىپ قۇرىلىمىندا سوڭعى جىلدارى وڭدەۋ سالاسىنىڭ ۇلەسى ارتىپ, ول 52 پايىزعا جەت­تى. قۇرىلىس يندۋسترياسىندا, ماشينا جاساۋدا, مە­تاليلەك سالاسىندا قۋاتتى كاسىپورىندار اشىلدى. ءوڭ­د­ەۋ كا­سىپ­ورىن­دارىن ىسكە قوسۋ ينۆەستيتسيالىق مول قار­جىنىڭ ار­قاسىندا مۇمكىن بولادى. سوندىقتان, وبلىس اكىمىنىڭ جا­ڭا ورىنباسارى تەك سىرتقى بايلانىس, ين­دۋستريالىق دامۋ, ينۆەستيتسيا تارتۋ ماسەلەلەرىمەن اي­نالىسادى. ۋا­قى­­تىندا وسى ينۆەس­تيتسيا تارتۋ جۇ­مىس­­­تارىنىڭ اقساۋى سال­­دارىنان اۋداندار مەن قا­لا­لاردا جۇمىسى باستالماي جاتىپ تاستالعان كا­سىپ­ورىندار قازىر قاڭىراپ تۇر. وتكەن جى­لى ءبىر كەزدەرى مەم­لەكەتتىك باعدارلاما اياسىنداعى جو­با دەپ سانالعان, كرە­ديت الىپ, قانشاما قارجىنى جەلگە ۇشى­رىپ, قازىر جۇ­مىسى توقتاپ تۇرعان وسىنداي نىساندار قايتا تەك­سە­رىلىپ, ولاردىڭ ءتىزىمى جاسالدى. وبلىس باس­شى­لىعى مەن ماماندار ينۆەستيتسيا تارتىپ, ءمۇم­كىن­دىكتەر قا­راس­تىرىلسا, ولاردى ءالى دە قاتارعا قوسۋعا بو­لادى دەپ ءتۇي­گەن ەدى. – قازىر تولقۇجاتتالعان وسىنداي 152 نىساندى نا­زارعا الىپ وتىرمىز. بۇلار ءبىزدىڭ ۇستەلىمىزدىڭ ءۇس­تىن­دە جا­تاتىن كىتاپشامىز سەكىلدى, ولاردى ءتۇرلى فورۋم­دار مەن كەز­دەسۋلەردە ينۆەستورلارعا ۇسىنامىز. ين­ۆەس­تور­لار ىن­تا بىلدىرسە, مەملەكەت تە قاراپ قال­مايدى. بۇل ىسكە الەۋ­­مەتتىك-كاسىپكەرلىك كورپوراتسيا, مەم­لە­كەت­تىك باع­­دار­لامالار ارقىلى مەملەكەتتىڭ قا­تى­سۋى قام­تا­ماسىز ەتى­لەدى. دەمەك وسى وندىرىستىك نى­سان­دار­­عا گاز, سۋ جۇرگىزۋ, جول توسەۋ كەرەك بولسا, ينفرا­قۇ­رى­­لىمىن جاق­سارتۋعا با­رىن­شا كومەك بەرەمىز, سونىمەن قا­تار ينۆەس­تيتسيالىق سۋب­سيديا ۇسىنۋ دا بولادى, – دەدى وبلىس اكىمى ارحيمەد مۇحامبەتوۆ. ءوڭىر باسشىسى ءدال قازىر ينۆەستيتسياعا مۇق­تاج جو­بالاردىڭ ءبىرسىپىراسىن اتاپ تا ءوتتى. مى­سالى, قوس­تا­ناي قالاسىنىڭ سولتۇستىك-باتىس ءبو­لىگىندە سا­لىناتىن اگ­­رو­ونەركاسىپ پاركى 40 پايىز قار­جى­لان­دىرىلدى, قال­­عانىنا ينۆەستيتسيا تارتۋ كوز­دەل­گ­ەن. سونىمەن قا­تار, ەليزاۆەتا جانە قارابالىق كەنتتەرىندەگى بروي­لەر قۇس فابريكالارى, وبلىس اۋداند­ارى مەن قا­لا­لا­رى­نان ءتۇ­­سەتىن بىرنەشە جى­لى­جاي, بىرنەشە جەلىلىك ەلە­ۆا­تور­لار, قوستاناي قالا­سىن­داعى ماي سىعاتىن زاۋىت تا ينۆەستورىن كۇتىپ تۇر. كەزدەسۋدە «توبول» الەۋمەتتىك-كاسىپكەرلىك كور­پو­راتسياسى وبلىستاعى ينۆەستيتسيا قاجەت ەتەتىن ءوندى­رىستىك نىسانداردى قارجى ينستيتۋتى وكىلدەرىنە جا­قى­نى­راق تانىستىردى, ال ءوز كەزەگىندە بانكتەر وكىلدەرى دە ءوز ۇسىنىستارى مەن مۇمكىندىكتەرى تۋرالى ايتىپ بەر­دى. وبلىس اكىمى ارحيمەد مۇحامبەتوۆ پەن ازيا دا­مۋ بانكىنىڭ ديرەكتورى دجوۆانني كاپاننەللي ىن­تىماقتاستىق مەموراندۋمىنا قول قويدى. ءنازيرا جارىمبەتوۆا, «ەگەمەن قازاقستان»