بىرلەسكەن ءىس-شارالار جوسپارى قابىلداندى

سىرتقى ىستەر ءمينيسترى قايرات ءابدىراحمانوۆ پەن ينۆەستيتسيا­لار جانە دامۋ ءمينيسترى جەڭىس قاسىمبەك قازاق­ستاندىق ءونىم ەكسپورتىن ىلگەرىلەتۋ ءجونىن­دەگى ءوزارا ءىس-قيمىلدى كۇشەي­تۋ بو­يىنشا ءبىر­لەسكەن ءىس-شارالار جوس­پارىنا قول قويدى. جوسپار قازاقستان پرە­­زي­دەنتى نۇرسۇلتان نازارباەۆتىڭ 2017 جىلعى 31 قاڭ­تارداعى قازاقستان حال­­قىنا «قازاقستاننىڭ ءۇشىن­شى جاڭعىرۋى: جاھاندىق باسە­كەگە قابىلەتتىلىك» اتتى جول­داۋىن­داعى ەكونو­ميكا­لىق ديپ­­لو­ماتيانى جانداندىرۋ بو­يىنشا تاپسىرمالارىن ورىن­داۋ ماقساتىندا ازىرلەنگەن. ەكسپورتتىق جانە ينۆەس­تيتسيالىق باعىتتاردى تى­عىز بايلانىستىرۋ قا­جەت­تىلىگى جوسپاردىڭ تۇجىرىم­داماسىنا نەگىزدەلگەن. بۇل جايت مەملەكەت باسشىسىنىڭ تاپسىرماسىمەن ازىرلەنىپ جاتقان ۇلتتىق ەكسپورتتىق جانە ينۆەستيتسيالىق ستراتەگيالاردا قاراستىرىلعان. جوسپاردىڭ ىسكە اسىرىلۋى ءاربىر تاۋاردى وتكىزۋگە ىقتيمال نارىقتاردى تەرەڭ تالداۋعا جانە سۇرانىس دەڭ­گەيىنە نەگىزدەلەدى. بۇل رەتتە, جوعارى قۇن قوسىلعان ءونىم­دەرگە ەرەكشە نازار اۋدارىلادى. ق.ءابدىراحمانوۆ پەن ج.قاسىمبەك جوسپارداعى ءىس-شارالار ەكى مينيسترلىكتىڭ بۇكىل الەۋەتىن ىسكە قوسۋعا مۇمكىندىك تۋعىزادى دەپ سەنەدى. وسى جۇمىسقا قازاق­ستاننىڭ شەت ەلدەردەگى مەكە­مەلەرى, سونداي-اق كەلەشەك­تە قۇرىلاتىن «Kazakh Export» ەكسپورتتى ىلگەرىلەتۋ جونىندەگى ۇلتتىق وپەراتور بەلسەندى تۇردە تارتىلاتىن بولادى. ونىڭ نەگىزگى مىندەتى – وتاندىق وندىرۋشىلەرگە قازاق­­ستاندىق ونىمدەردى شەتەل­­دىك نارىقتارعا ىلگەرى­لەتۋ بويىنشا جاردەم كورسەتۋ. سىرتقى ىستەر مينيستر­لىگى جۋىردا اۋىل شارۋاشى­لى­عى مينيسترلىگىمەن دە بىرلەس­كەن جوسپار قابىلداعان بولا­تىن. بۇل قۇجات ەل اگروونەركا­س­ىپ­تىك كەشەنىن ينۆەستيتسيا­­­لىق جانە ەكسپورتتىق باعىت­تار­دا دامىتۋداعى مينيستر­لىكتەردىڭ كۇش-جىگەرىن ءبىر­لەستىرۋ مەن ۇيلەستىرۋگە جول اشادى. «ەگەمەن-اقپارات»