جەدەلدەتە جۇرگىزۋگە ىقپالىن تيگىزەدى

قازاقستان پرەزي­دەنتى حالىققا ارنا­عان جول­داۋىندا قازاق­ستان­نىڭ ءۇشىنشى جاڭعىرۋىن جۇزەگە اسىرۋ اياسىنداعى نەگىزگى بەس باسىم­دىقتى اتاپ كورسەتكەن بولا­تىن. مەن سونىڭ بىرەۋىنە توقتالعىم كەلەدى. ن.نازارباەۆ مىرزا قازاقستان ەكونوميكاسىن دامىتۋ بارىسىندا تسيفرلى تەحنولوگيالاردى ەن­گىزۋگە كۇش سالۋدى ۇسىندى. وسى ورايدا, سينگاپۋر ۇكىمەتى دە ال­دىڭعى قاتارلى اقپاراتتىق تەح­نولوگيالاردى دامىتۋ مەن ونى قولدانىسقا ەنگىزۋگە ايرىقشا نازار اۋداراتىنىن اتاپ وتكەن ءجون. قازاقستان مەن سينگاپۋر اراسىنداعى تىعىز قارىم-قاتى­ناستاردى, سونىمەن قاتار, بۇل ەلدە قۇرىلىس سالاسىنىڭ قارقىن العانىن ەسكەرە وتىرىپ, سينگاپۋردىڭ اسا ءىرى ينجينيرينگتىك كوم­پانيالارى قازاق­ستان تاراپىنا سينگاپۋر­لىق CORENT جۇيەسىنىڭ (Construction Real Estate Network) ۇلگىسىن­دەگى اق­پاراتتىق تەلەكوممۋني­كا­تسيا­لىق تەحنولوگيالاردىڭ كومەگى­مەن قۇرىلىس يندۋسترياسىن جاڭ­عىرتۋ مۇمكىندىگىن ۇسىنۋعا ءازىر. CORENT جۇيەسى مەملەكەت­تىك قىزمەت كورسەتۋ پروتسەسىن وڭتاي­لان­دىرۋعا, اتاپ ايتقاندا, قاجەتتى قۇ­جات­تار ءتىزىمى مەن ونى قابىلداۋ مەر­زىمىن قىسقارتۋعا, قۇجاتتاردى قو­­سار­لاۋ ءراسىمىن الىپ تاستاۋعا كو­مەك­تەسەدى. بۇل جۇيەنى قولدانۋ قا­زاق­ستاننىڭ ءۇشىنشى جاڭعىرۋىن ءجۇ­زەگە اسىرۋدى جەدەلدەتۋگە ىقپا­لىن تيگىزەدى دەپ سانايمىن. وسى­لايشا, تسيفر­لى قىزمەتتەردىڭ ارقا­سىن­دا ە­لدىڭ ەكونوميكالىق سالاسىن دا­مى­تۋعا قۋاتتى سەرپىن بەرۋگە بولادى. توممي ليم, «Pacific Engineering solutions» كومپانياسىنىڭ باس ديرەكتورى (سينگاپۋر)