بەرسەڭ, بالاعا بەر

الماتىداعى «الاتاۋ» ءداستۇرلى ونەر تەاترىنىڭ كينوزالىندا قازاقستان حالقى اسسامبلەياسىنىڭ اياسىندا العىس ايتۋ كۇنىنە وراي دايىندالعان جاڭا ءمۋلتفيلمنىڭ بالالارعا ارنالعان قايىرىمدىلىق كورسەتىلىمى ءوتتى. ءىس-شارا, «نۇر وتان» پارتياسىنىڭ, الماتى قالاسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ, سونداي-اق, «الاتاۋ» ءداستۇرلى ونەر تەاترىنىڭ قولداۋىمەن ۇيىمداستىرىلدى. 2016 جىلعى 14 قاڭتاردا ەل­با­سى نۇرسۇلتان نازارباەۆ ءوزى­نىڭ №173 جارلىعىمەن ەلى­مىزدە 1 ناۋرىزدا تويلانا­تىن قازاق­ستان حالقى اسسام­بلەياسى­نىڭ قۇرىلعان كۇنىن «العىس ايتۋ كۇنى» دەپ جاريالاعان ەدى. وسىعان وراي قحا تاراپىنان قايىرىمدىلىق يگى شارالار وتكىزۋ ۇردىسكە اينالىپ كەلەدى. «بەرسەڭ, بالاعا بەر» دەپ حالىقتىڭ بولاشاعى سانالى ۇرپاق دەپ بىلگەن حالقىمىز ەل ەرتەڭى بالانىڭ باقىتتى بالالىق شاعىنا كوپ كوڭىل بولگەن. اتالعان قايىرىمدىلىق كور­سەتىلىمى: اتا-انا قامقورلى­عىنان ايىرىلعان بالالارعا, مۇمكىندىگى شەكتەۋلى بالالار مەن الەۋمەتتىك جاعدايى تومەن, كوپبالالى وتباسى بالالارىنا ارنالدى. سونداي-اق, ءىس-شارا­عا «الماتى قالاسىنىڭ پسيحو­نەۆرولوگيالىق اۋىتقۋلارى بار مۇگەدەك بالالارعا ارنالعان كۇن­دىز بولۋ ورتالىعى» كمم بالا­لارى, تۇرمىسى تومەن وتبا­سى­نان شىق­قان بالالارعا ار­نال­عان №10 جبب مەكتەپ-ين­تەر­نات ءتار­بيەلەنۋشىلەرى, «ءۇمىت» بالالار ءۇيىنىڭ بالالارى مەن سويلەۋ قابىلەتى وتە ناشار بالا­لارعا ارنالعان №9 ار­نايى (تۇزەۋ) مەكتەپ-ينتەر­نا­تى­نىڭ تاربيە­لەنۋشىلەرى دە قاتىس­تىرىلدى. جاڭا ءمۋلتفيلمدى 2 سەانس­پەن بارلىعى 200 بالا تاماشالادى. كورسەتىلىمگە كىرەر­دە بالالارعا پوپكورن مەن ءتۇرلى سۋسىندار تاراتىلدى. «مۇندا كەلگەن وسكىندەر كەرەمەت اسەرگە بولەنىپ قايتتى. جۇزدەرى بال-بۇل جايناپ, قۋانىش سەزىم­دەرىن ءبىر-بىرىنە جەتكىزىپ ءماز-مەي­رام. باسقالار سياقتى اتا-انا قۇشا­عىنىڭ جىلۋىن سەزىنە الماي­تىن تاعدىرلى بالالاردىڭ قۋان­عانىن كورگەندە ەرىكسىز جۇرە­گىڭ جىليدى», – دەيدى «الاتاۋ» كينوزالىنىڭ جەتەك­شىسى ءارى شارانى ۇيىمداس­تىرۋ­شى­لاردىڭ ءبىرى ريتا حالەلقىزى. ءىس-شارا اياسىندا قازاقستان حالقى اسسامبلەياسى ەتنومادەني بىرلەستىكتەرىنىڭ بالالارعا ارنال­عان سىيلىقتارى تاراتىلدى. ارمان وكتيابر, جۋرناليست الماتى