قازاقستان رەسپۋبليكاسى ۇكىمەتىنىڭ قاۋلىسى № 202

2011 جىلعى 1 ناۋرىز, استانا, ۇكىمەت ءۇيى «بيووتىن وندىرەتىن زاۋىتتاردى سالۋعا رۇقسات بەرۋ قاعيداسىن بەكىتۋ تۋرالى» «بيووتىن ءوندىرىسىن جانە اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ 2010 جىلعى 15 قاراشاداعى زاڭىنىڭ 5-بابىنىڭ 2) تارماقشاسىنا سايكەس قازاقستان رەسپۋبليكا­سى­نىڭ ۇكىمەتى قاۋلى ەتەدى: 1. قوسا بەرىلىپ وتىرعان بيووتىن وندىرەتىن زاۋىتتاردى سالۋعا رۇقسات بەرۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى «1» ناۋرىزداعى № 202 قاۋلىسىمەن بەكىتىلگەن بيووتىن وندىرەتىن زاۋىتتاردى سالۋعا رۇقسات بەرۋ قاعيداسى 1. جالپى ەرەجەلەر 1. وسى قاعيدا «بيووتىن ءوندىرىسىن جانە اي­نالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ 2010 جىلعى 15 قاراشاداعى زاڭىنىڭ 5-بابىنىڭ 2) تارماقشاسىنا سايكەس ازىرلەنگەن جانە بيووتىن وندىرەتىن زاۋىتتاردى سالۋعا رۇقسات بەرۋ ءتارتىبىن بەلگىلەيدى. 2. بيووتىن ءوندىرىسى سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) وسى قاعيداعا 1-قوسىمشاعا سايكەس نىسان بويىنشا بيووتىن وندىرەتىن زاۋىتتار سالۋعا رۇقسات (بۇدان ءارى – رۇقسات) بەرەدى. 2. رۇقسات بەرۋ ءتارتىبى 3. رۇقساتتى رەسىمدەۋ ءۇشىن زاڭدى تۇلعا ۋاكىلەتتى ورگانعا مىناداي قۇجاتتاردى ۇسىنادى: 1) رۇقسات بەرۋ تۋرالى ءوتىنىش (وسى قاعيداعا 2-قوسىمشادا كەلتىرىلگەن مالىمەتتەردى كورسەتە وتىرىپ ەركىن نىساندا بەرىلەدى); 2) سالىستىرىپ تەكسەرۋ ءۇشىن قۇجاتتاردىڭ تۇپنۇسقاسىن مىندەتتى تۇردە ۇسىنعان كەزدە تىركەۋ قۇجاتتارىنىڭ كوشىرمەسى; 3) «بيووتىن ءوندىرىسىن جانە اينالىمىن مەملەكەتتىك رەتتەۋ تۋرالى» قازاقستان رەسپۋب­ليك­ا­سىنىڭ 2010 جىلعى 15 قاراشاداعى زاڭىنىڭ 8-بابىنىڭ 2-تارماعىندا كوزدەلگەن مالىمەتتەردى قامتيتىن بيووتىن وندىرەتىن زاۋىتتى سالۋعا ارنالعان تەحنيكالىق-ەكونوميكالىق نەگىزدەمە; 4) قورشاعان ورتانى قورعاۋ سالاسىنداعى ۋاكىلەتتى مەملەكەتتىك ورگان نەمەسە جەرگىلىكتى اتقارۋشى ورگان جۇرگىزگەن بيووتىن وندىرەتىن زاۋىتتى سالۋعا مەملەكەتتىك ەكولوگيالىق ساراپتامانىڭ وڭ قورىتىندىسى. 4. قۇجاتتار پوشتا ارقىلى جىبەرىلەدى نە ۋاكىلەتتى ورگاننىڭ قۇجاتتامالىق قامتاماسىز ەتۋ قىزمەتى ارقىلى قولما-قول ۇسىنىلادى. 5. رۇقسات بەرۋ ءۇشىن ۋاكىلەتتى ورگانعا ۇسى­نىلعان بارلىق قۇجاتتار ءوتىنىشتى قابىلداعان تۇلعانىڭ كىرىس ءنومىرىن, كۇنىن, اتى-ءجونى مەن تەگىن كورسەتە وتىرىپ, كوشىرمەسى ءوتىنىش بەرۋشىگە جىبەرىلەتىن تىزىمدەمە بويىنشا قابىلدانادى. 6. ۋاكىلەتتى ورگان زاۋىت سالۋعا ارنالعان تەحنيكالىق-ەكونوميكالىق نەگىزدەمەنىڭ سالالىق ساراپتاماسىن ونىڭ ۇسىنىلعان كۇنىنەن باستاپ وتىز جۇمىس كۇنى ىشىندە وتكىزەدى. 7. تەحنيكالىق-ەكونوميكالىق نەگىزدەمەنىڭ سالالىق ساراپتاماسى وتكىزىلگەننەن كەيىن ۋاكى­لەت­تى ورگان ءۇش كۇنتىزبەلىك كۇن ىشىندە رۇقساتتى بەرەدى نە رۇقساتتى بەرۋدەن دالەلدى باس تارتۋدى جازباشا تۇردە بەرەدى. 8. رۇقسات بەرۋدەن باس تارتۋ نەگىزدەرى مىنالار بولىپ تابىلادى: 1) ءتيىستى ەمەس تۇلعانىڭ رۇقسات بەرۋ تۋرالى ءوتىنىشى; 2) وسى قاعيداعا سايكەس تالاپ ەتىلەتىن قۇجات­تاردى ۇسىنباۋ نەمەسە قۇجاتتاردىڭ تولىق ەمەس پاكەتىن ۇسىنۋ; 3) مەملەكەتتىك ەكولوگيالىق ساراپتامانىڭ تە­رىس قورىتىندىسى; 4) تەحنيكالىق-ەكونوميكالىق نەگىزدەمەنىڭ سا­لا­لىق ساراپتاماسىنىڭ تەرىس قورىتىندىسى; 5) ەگەر سالۋعا جوسپارلانعان بيووتىن ءوندى­رەتىن زاۋىتتىڭ وندىرىستىك قۋاتى جۇمىس ىستەپ تۇرعان بيووتىن وندىرەتىن زاۋىتتاردىڭ ءوندى­رىس­تىك قۋاتتارى جيىنتىعىندا قازاقستان رەسپۋبلي­كاسىنىڭ ۇكىمەتى ايقىنداعان بيووتىن ءوندىرىسى بويىنشا وندىرىستىك قۋاتتاردىڭ شەكتى كولەمىنەن ارتىق بولسا. 9. قايتا بەرىلگەن كەزدە ءوتىنىش وسى قاعيدادا بەلگىلەنگەن تارتىپپەن جالپى نەگىزدەردە قارالادى. 3. رۇقساتتى قايتا رەسىمدەۋ جانە تەلنۇسقا بەرۋ 10. رۇقسات جوعالعان, ب ۇلىنگەن كەزدە بيووتىن ءوندىرۋشى رۇقساتتىڭ تەلنۇسقاسىن الادى. رۇقساتتىڭ جوعالعان, ب ۇلىنگەن بلانكىلەرى بيووتىن ءوندىرۋشى ۋاكىلەتتى ورگانعا جازباشا ءوتى­نىش (رۇقساتتىڭ جوعالۋ, ءب ۇلىنۋ فاكتىسىن راستاي­تىن قۇجاتتاردى قوسا بەرە وتىرىپ) بەرگەن كۇنى­نەن باستاپ جارامسىز دەپ ەسەپتەلەدى. ۋاكىلەتتى ورگان ءوتىنىش بەرىلگەن كۇننەن باستاپ ون جۇمىس كۇنى ىشىندە جاڭا ءنومىر بەرە وتى­رىپ جانە جوعارعى وڭ جاق بۇرىشىندا «تەل­نۇس­قا» دەگەن جازۋى بار رۇقساتتىڭ تەلنۇسقاسىن بەرۋدى جۇزەگە اسىرادى. 11. رۇقساتتىڭ تەلنۇسقاسى تەگىن بەرىلەدى. 12. بىرىگۋ, قوسىلۋ, ءبولىنۋ, ءبولۋ نەمەسە قايتا قۇرۋ, اتاۋىن وزگەرتۋ نىسانىندا زاڭدى تۇلعا قايتا ۇيىمداستىرىلعان جاعدايدا, زاڭدى تۇلعا وتىز كۇنتىزبەلىك كۇن ىشىندە كورسەتىلگەن مالىمەتتەردى راستايتىن ءتيىستى قۇجاتتاردى قوسا بەرە وتىرىپ, رۇقساتتى قايتا رەسىمدەۋ تۋرالى ءوتىنىش بەرەدى. 13. ۋاكىلەتتى ورگان بيووتىن ءوندىرۋشى ءتيىستى جازباشا ءوتىنىش بەرگەن كۇننەن باستاپ ون جۇمىس كۇنى ىشىندە رۇقساتتى قايتا رەسىمدەيدى. بيووتىن وندىرەتىن زاۋىتتاردى سالۋعا رۇقسات بەرۋ قاعيداسىنا 1-قوسىمشا بيووتىن وندىرەتىن زاۋىت سالۋعا №            رۇقسات ___________________________________________________________________________________ (شيكىزات ءتۇرى, شيكىزاتتى قايتا وڭدەۋ تونناداعى/ايداعى قۋاتتىلىعى) __________________________________________________________________________وندىرەتىن (بيووتىن ءتۇرى) ء______________________________________________________________________________ۇشىن (زاۋىتتىڭ ورنالاسقان جەرى) ________________________________________________________________________بەرىلگەن (كىمگە)   20__جىلعى «___»____________   بيووتىن ءوندىرىسى بويىنشا                  _________________________اتى-ءجونى, ۋاكىلەتتى ورگان باسشىسى                                       (قولى) م.و.   بيووتىن وندىرەتىن زاۋىتتاردى سالۋعا رۇقسات بەرۋ قاعيداسىنا 2-قوسىمشا بيووتىن وندىرەتىن زاۋىتتار سالۋعا رۇقسات بەرۋ وتىنىشىندە كورسەتىلەتىن مالىمەتتەر بيووتىن وندىرەتىن زاۋىتتار سالۋعا رۇقسات بەرۋ تۋرالى وتىنىشتە مىناداي مالىمەتتەر كورسەتىلەدى: 1) زاڭدى تۇلعانىڭ اتاۋى مەن دەرەكتەمەلەرى; 2) كوورديناتتارى كورسەتىلگەن بيووتىن ءوندى­رەتىن زاۋىتتاردىڭ ورنالاسقان جەرىنىڭ احۋال­دىق سحەماسى; 3) شىعارۋعا بولجاناتىن بيووتىن ءتۇرى (تۇرلەرى); 4) زاۋىتتىڭ اتاۋى, نەگىزگى سيپاتتامالارى; 5) شيكىزاتتى قايتا وڭدەۋ جونىندەگى بولجامدى قۋاتتىلىق, توننا/ايىنا; 6) ءونىم بىرلىگىنە ارنالعان شيكىزاتتىڭ مەنشىكتى شىعىنى; 7) قۇرىلىستىڭ بولجامدى باستالۋ جانە اياقتالۋ مەرزىمى; 8) شيكىزات بازاسىنىڭ تەڭگەرىمدىك سحەماسى ءجا­نە شيكىزاتتى, ونىڭ ىشىندە ىشكى نارىقتا شي­كىزاتتىڭ ەڭ تومەنگى دەڭگەيى كەزىندە تۇتىنۋ ەسەبى; 9) وندىرىستىك قىزمەتتىڭ سيپاتتاماسى (شىعا­رى­لاتىن ءونىم كولەمى, شىعارىلاتىن ءونىم ءتۇر­لەرى, جۇمىسشىلار سانى); 10) بيووتىن وندىرەتىن زاۋىت سالۋعا بۇرىن بەرىلگەن دەرەكتەر ء(نومىرى, بەرىلگەن كۇنى, كىم بەردى), ەگەر مۇنداي ءوتىنىش بەرۋشىدە بار بولسا; 11) بيووتىن ءوندىرىسىنىڭ كولەمدەرى تۋرالى اق­پاراتتى اۆتوماتتى تۇردە بەرۋدى قامتاماسىز ەتەتىن بيووتىن ءوندىرىسى پروتسەسىنىڭ, بيووتىن ءوندىرىسى بويىنشا قۇرال-جابدىقتاردىڭ, ەسەپتەۋدى باقىلاۋ قۇرالدارىنىڭ تەحنولوگيالىق سيپات­تاماسى; 12) شيكىزاتتى ۇتىمدى پايدالانۋدى قامتا­ما­سىز ەتەتىن ءىس-شارالار.